ထိုင်းနိုင်ငံ၊ လော့ပ်ဘူရီမြို့မှာ အောက်တိုဘာ ၂၉ ရက် သီတင်းကျွတ်လပြည့်နေ့က ယှဉ်ပြိုင်ကစားခဲ့တဲ့ Thai Fight မွေထိုင်းလက်ဝှေ့ပွဲမှာ ကယန်းလက်ဝှေ့မယ် ဘရော်နီကာက ထိုင်းနာမည်ကြီးလက်ဝှေ့မယ် ဖာယာဆင်းဂါးကို အမှတ်နဲ့အနိုင်ရရှိခဲ့ပါတယ်။
ဘရော်နီကာဟာ ကျန်းမာရေးမကောင်းလို့ ဆေးသွင်းပြီးမှယှဉ်ပြိင်ထိုးသတ်ရပေမဲ့ ပွဲစကတည်းက တံတောင်၊ လက်သီးအားတွေ အသုံးပြုပြီး အသာစီးကစားခဲ့ပြီး ၃ ချီပြည့်ပြီးချိန်မှာ အမှတ်နဲ့ အနိုင်ရရှိခဲ့တာပါ။
ဒီပွဲ အနိုင်ရရှိတာအပါအဝင် ဘရော်နီကာဟာ နောက်ဆုံးထိုးသတ်ခဲ့တဲ့ ၁၄ ပွဲဆက်တိုက် အနိုင်ရရှိခဲ့တာဖြစ်ပါတယ်။
ဘရော်နီကာနဲ့ထိုးသတ်ခဲ့တဲ့ ဖာယာဆင်းဂါးဟာ ၆၈ ပွဲ ထိုးသတ်ထားပြီး ၅၇ နိုင် ၆ ပွဲသာ ရှုံးထားတဲ့ ထိုင်းနာမည်ရ လက်ဝှေ့မယ် ဖြစ်ပါတယ်။
ဘရော်နီကာဟာ ဇွန် ၁၈ ရက်က Thai Fight ပြိုင်ပွဲမှာ ဆီးဂိမ်းရွှေတံဆိပ်ဆုရှင် ဗီယက်နမ်လက်ဝှေ့မယ် သီရသီဖုန်းကို အနိုင်ရရှိခဲ့ပါသေးတယ်။
