မန်ချက်စတာယူနိုက်တက်အသင်းဟာ အတ္တလန်တာအသင်းရဲ့ ဘရာဇီးကွင်းလယ်လူ အီဒါဆန် ကို ပေါင် ၃၈ သန်းနဲ့ ခေါ်ယူဖို့ သဘောတူညီမှု ရရှိခဲ့ပါတယ်။

အခုနှစ်နွေရာသီရဲ့ ပထမဆုံးအပြောင်းအရွှေ့ကို အစောဆုံး အဆုံးသတ်နိုင်ခဲ့တာဖြစ်ပြီး အသက် ၂၆ နှစ်အရွယ် အီဒါဆန်ဟာ မန်ယူနဲ့ ၄ နှစ်စာချုပ် ချုပ်ဆိုမှာပါ။

ကနဦးပြောင်းရွှေ့ကြေး ပေါင် ၃၄ သန်းနဲ့ အပိုဆုကြေး ပေါင် ၄ သန်း ပါဝင်မှာ ဖြစ်ပါတယ်။ သူဟာ လာမဲ့ ဇူလိုင်လမှာ အသင်းနဲ့ တရားဝင် ပူးပေါင်းမှာပါ။

နည်းပြ မိုက်ကယ်ကားရစ်ဟာ ကတ်စမီရို ထွက်ခွာသွားပြီးနောက် ကွင်းလယ်ပိုင်းကို အကြီးစားအပြောင်းအလဲလုပ်ဖို့ ပြင်ဆင်နေတာပါ။

မန်ယူနိုက်တက်ဟာ အခုနှစ်နွေရာသီမှာ ကွင်းလယ်လူ အနည်းဆုံး ၂ ယောက်နဲ့ တိုက်စစ်မှူး တယောက်အပြင် ဂိုးသမားနဲ့ နောက်ခံလူနေရာတွေကိုပါ ထပ်မံအင်အားဖြည့်တင်းဖို့ ပစ်မှတ်ထားနေပါတယ်။