အင်္ဂလန်ပရီးမီးယားလိဂ် ချန်ပီယံ အာဆင်နယ်အသင်းရဲ့ နည်းပြ အာတေတာဟာ အသင်းမှာ ဆက်လက်ရှိနေဖို့ စာချုပ်သစ် သဘောတူညီမှု ရရှိသွားခဲ့ပါတယ်။
စပိန်လူမျိုး နည်းပြ အာတေတာရဲ့ လက်ရှိစာချုပ်ဟာ ဒီရာသီကုန်မှာ ကုန်ဆုံးတော့မှာ ဖြစ်ပါတယ်။ အခုစာချုပ်သစ်ကြောင့် သူဟာ ၂၀၁၉ ခုနှစ်ကတည်းက ရောက်ရှိခဲ့တဲ့ အာဆင်နယ်အသင်းမှာ အနည်းဆုံး ၁၀ နှစ်အထိ ဆက်လက် တာဝန်ယူသွားမှာ ဖြစ်ပါတယ်။
စာချုပ်သစ်မှာ အာတေတာရဲ့ လစာဟာ လက်ရှိ ရရှိနေတဲ့ တနှစ် ပေါင် ၁၀ သန်းနဲ့ ဆုကြေး ပေါင် ၅ သန်းထက် ပိုမို တိုးတက်လာမှာ ဖြစ်ပါတယ်။
သူဟာ ပြီးခဲ့တဲ့ရာသီက အာဆင်နယ်အသင်းကို ၂၂ နှစ်အတွင်း ပထမဆုံး ပရီးမီးယားလိဂ်ဖလား ရရှိအောင် ဦးဆောင်ပေးခဲ့တာပါ။
အာတေတာက အသင်းမှာ ဆက်ရှိနေဖို့ ပျော်ရွှင်ကြောင်းနဲ့ ပရိသတ်တွေ စိုးရိမ်စရာ မလိုကြောင်းလည်း ပြောကြားထားပါတယ်။
လက်ရှိမှာလည်း သူဟာ ပရီးမီးယားလိဂ်မှာ တခြားနည်းပြတွေထက် ၃ နှစ်နီးပါး ပိုမိုသက်တမ်းရှည်ကြာတဲ့ သက်တမ်းအရှည်ဆုံး နည်းပြအဖြစ် ရပ်တည်နေတာ ဖြစ်ပါတယ်။
