ထိုင်းနိုင်ငံမှာကျင်းပတဲ့ “Continental Fustal Championship 2023” ပြိုင်ပွဲ တတိယလုပွဲကို သြဂုတ် ၁၃ ရက်က ယှဥ်ပြိုင်ကစားခဲ့ရာ မြန်မာဖူဆယ်အသင်းက အာဖဂန်နစ္စတန်ကို ၅ ဂိုး ၁ ဂိုးနဲ့ ဂိုးပြတ်ရှုံးနိမ့်ခဲ့ပါတယ်။

ကမ္ဘာ့အဆင့် ၆၆ ရှိတဲ့ အာဖဂန်နစ္စတန်အသင်းဟာ ကမ္ဘာ့အဆင့် ၈၃ ရှိတဲ့ မြန်မာအသင်းကို အသားစီးကစားနိုင်ခြင်း မရှိပေမဲ့ အဆုံးသတ်သေချာမှုကြောင့် ပထမပိုင်းမှာ ၂ ဂိုး ၁ ဂိုး၊ ဒုတိယပိုင်းမှာ ၅ ဂိုး ၁ ဂိုးနဲ့ အနိုင်ရရှိခဲ့ပါတယ်။

“Continental Fustal Championship 2023” ဗိုလ်လုပွဲမှာ ချက်ဖူဆယ်အသင်းက အိမ်ရှင် ထိုင်းဖူဆယ်အသင်းကို ၆ ဂိုး ၅ ဂိုးနဲ့ အနိုင်ယူပြီး ဗိုလ်စွဲခဲ့ပါတယ်။

မြန်မာဖူဆယ်အသင်းဟာ အောက်တိုဘာ ၇ ရက်ကနေ ၁၁ ရက်အထိ ကျင်းပမယ့် “AFC Futsal Asian Cup 2024 Qualifiers 2024” အုပ်စု င မှာ အိန္ဒိယ၊ ပါလက်စတိုင်း၊ တာဂျစ်ကစ္စတန်တို့နဲ့ ယှဥ်ပြိုင်သွားရမှာ ဖြစ်ပါတယ်။

မြန်မာဖူဆယ်အသင်းဟာ အောက်တိုဘာ ၇ ရက်နေ့မှာ ပါလက်စတိုင်းဖူဆယ်အသင်း၊ အောက်တိုဘာ ၉ ရက်မှာ အိန္ဒိယဖူဆယ်အသင်းနဲ့ အောက်တိုဘာ ၁၁ ရက်မှာ တာဂျစ်ကစ္စတန် အသင်းတို့နဲ့ ယှဥ်ပြိုင်ရမှာ ဖြစ်ပါတယ်။