ချဒ်နိုင်ငံက ဒုက္ခသည်စခန်းတွေမှာ အပူချိန် မြင့်မားနေပြီး ရေပြတ်လပ်နေလို့ ရာနဲ့ချီတဲ့ ဆူဒန် နိုင်ငံသား ဒုက္ခသည်တွေ အခက်တွေ့နေပါတယ်။
ဆူဒန်ဒုက္ခသည်တွေဟာ သူတို့ရဲ့ ရေပုံးတွေကို ရေဖြည့်ဖို့အတွက် အချိန် ၆ နာရီလောက် အထိ တန်းစီနေရတယ်လို့ ဒုက္ခသည်တစ်ဦးက ပြောပါတယ်။
သောက်သုံးဖို့ ရေနည်းနည်းသာ သုံးနိုင်လို့ အိမ်သာတွေက ပိုဆိုးလာတဲ့ ပြဿနာတစ်ခု ဖြစ်နေတယ်လို့ ဒုက္ခသည်တွေက ပြောပါတယ်။
မကြာသေးမီက ကမ္ဘာလုံးဆိုင်ရာ အပူလှိုင်းနဲ့ မကြုံစဖူး မြင့်မားတဲ့ အပူချိန်ကြောင့် ချဒ်-ဆူဒန် နယ်စပ်က ဒုက္ခသည်စခန်းတွေဆီ ထွက်ပြေးလာတဲ့ စစ်ပြေးဒုက္ခသည်တွေ ပိုအခက်တွေ့နေ တာပါ။
ဆူဒန်နိုင်ငံထဲက ဆက်ဖြစ်နေတဲ့ တိုက်ပွဲတွေကြောင့် အနောက်ဒါဖာမှာရှိတဲ့ အာရပ်ပြည်သူ့ စစ်တွေနဲ့ အမြန်ထောက်ပံ့ရေး တပ်ဖွဲ့ (RSF) တို့ လူမျိုးရေးအရ ပစ်မှတ်ထားတိုက်ခိုက်ခဲ့ကြတဲ့ အတွက် လူထောင်ပေါင်းများစွာ ချဒ်နိုင်ငံဆီ ထွက်ပြေးခဲ့ရပါတယ်။
Source-Reuters
