ကရင်နီ (ကယား)ပြည်နယ်၊ ဒီးမော့ဆိုမြို့နယ်၊ ဒေါညေးခူကျေးရွာကနေ ဘောလခဲမြို့သို့ သွားရာလမ်းအပိုင်းမှာ ဧပြီ ၁၉ ရက်နေ့ မွန်းလွဲပိုင်းက တိုက်ပွဲဖြစ်ပွားခဲ့ပြီး စစ်ကောင်စီတပ်သား ၈ ဦးသေဆုံးကာ ၁ ဦးကို ဖမ်းဆီးရမိထားကြောင်း ကရင်နီသတင်းအချက်အလက်စင်တာ (KnIC) မှာဖော်ပြပါတယ်။
မနေ့မွန်းလွဲ ၁ နာရီဝန်းကျင်လောက်က စစ်ကောင်စီတပ် ခလရ (၈၀)နဲ့ ကရင်နီတပ်မတော် KA ၊ KNDF တပ်ရင်း ၂၁ ပူးပေါင်းတပ်တို့ တိုက်ပွဲဖြစ်ပွားတာဖြစ်ပြီး စစ်ကားတစီးကိုလည်း ဖျက်ဆီးနိုင်ခဲ့တဲ့အပြင် လက်နက်ငယ် ၆ လက်နဲ့ ကျည်တချို့သိမ်းဆည်းရမိခဲ့ကြောင်း ကေအန်ပီပီရဲ့ သတင်းအချက်အလက်စင်တာက ဖော်ပြထားပါတယ်။
ဒေါညေးခူမှာ ဧပြီ ၁၆ နဲ့ ၁၇ ရက်နေ့တွေမှာ စစ်ကောင်စီတပ်ဖွဲ့နဲ့ ကရင်နီပူးပေါင်းတို့အကြား ထိတွေ့တိုက်ပွ်ပြင်းထန်ခဲ့ပြီး စစ်ကောင်စီတပ်ဖွဲ့တွေထံကနေ လက်နက်က်ခဲယမ်းအများအပြားကိုလည်း သိမ်းဆည်းရမိခဲ့ပါတယ်။
အဆိုပါတိုက်ပွဲတွေနဲ့ ပတ်သက်ပြီး စစ်ကောင်စီဘက်ကတော့ သတင်းထုတ်ပြန်တာ မရှိသေးပါဘူး။
