အက်စတွန်ဗီလာ တိုက်စစ်ကစားသမား မော်ဂန်ရော်ဂျာကို ချဲလ်ဆီးအသင်းက ဗြိတိန်စံချိန်တင် ပြောင်းရွှေ့ကြေး ပေါင် ၁၁၇ သန်းနဲ့ ၇ နှစ် စာချုပ် ချုပ်ဆို ခေါ်ယူလိုက်တယ်လို့ Sky Sports က ဖော်ပြပါတယ်။
အသက် ၂၃ နှစ်အရွယ် ရော်ဂျာဟာ မန်စီးတီးကို ပြောင်းရွှေ့ခဲ့တဲ့ အယ်လီယော့တ် အန်ဒါဆန်ရဲ့ ပေါင် ၁၁၆ သန်း စံချိန်ကို ကျော်ဖြတ်ပြီး တန်ကြေးအမြင့်ဆုံး ဗြိတိန်ကစားသမား ဖြစ်လာပါတယ်။
သူက ချဲလ်ဆီးအသင်းနဲ့ နည်းပြ ဇာဘီအလွန်ဆိုရဲ့ လုပ်ဆောင်မှုတွေကို သဘောကျသလို ငယ်သူငယ်ချင်းဖြစ်သူ ကိုးလ်ပါလ်မာနဲ့ ပြန်လည်တွဲကစားရမဲ့အပေါ် စိတ်လှုပ်ရှားနေတယ်လို့ ဆိုပါတယ်။
အာဆင်နယ်အသင်းက သူ့ကို ခေါ်ယူဖို့ စိတ်ဝင်စားခဲ့ပေမဲ့ ချဲလ်ဆီးပေးတဲ့ ပြောင်းရွှေ့ကြေးကို မပေးနိုင်ခဲ့တာပါ။
ရော်ဂျာအနေနဲ့ ချန်ပီယံလိဂ် ကစားခွင့်ရမဲ့ အက်စတွန်ဗီလာကို စွန့်ခွာပြီး လာမဲ့ ၂၀၂၆-၂၇ ရာသီမှာ ဥရောပဝင်ခွင့် မရထားတဲ့ ချဲလ်ဆီးအသင်းဆီကို ပြောင်းရွှေ့လာတာ ဖြစ်ပါတယ်။
