မန်ချက်စတာယူနိုက်တက်အသင်းရဲ့ ကစားသမားဟောင်း အက်ရ်ှလေယန်းဟာ အသက် ၄၁ နှစ်အရွယ်မှာ တင်ပါးဆစ် အစားထိုးခွဲစိတ်မှု ခံယူရတော့မယ်လို့ ထုတ်ဖော်ပြောပါတယ်။

သူဟာ ၃ လကြာ လေ့ကျင့်ခန်းဆင်းဖို့တောင် နာကျင်လွန်းလို့ မလုပ်နိုင်ခဲ့တာ ဖြစ်ပါတယ်။ ဒီနာကျင်မှုတွေကြောင့် သူ့ရဲ့ ကစားသမားဘဝ နောက်ဆုံးရာသီမှာ ၁၅ ပွဲသာ ကစားနိုင်ခဲ့တာပါ။ အခုလို ခွဲစိတ်မှုခံယူရတာက သူ့အတွက် ခက်ခဲတဲ့ အခြေအနေတခု ဖြစ်ပါတယ်။

အက်ရ်ှလေယန်းဟာ အင်္ဂလန်လက်ရွေးစင်အသင်းအတွက် ယူရို ၂၀၁၂ နဲ့ ၂၀၁၈ ကမ္ဘာ့ဖလား ပြိုင်ပွဲတွေမှာလည်း ပါဝင်ကစားခဲ့ဖူးပါတယ်။ မန်ယူအသင်းမှာလည်း အောင်မြင်မှုတွေ ရယူခဲ့တဲ့ ကစားသမားတယောက် ဖြစ်ပါတယ်။

ကစားသမားဘဝတလျှောက် အကောင်းဆုံး ခြေစွမ်းပြခဲ့တဲ့ သူဟာ အခုလို ဒဏ်ရာကြောင့် ကစားသမားဘဝကို အဆုံးသတ်ခဲ့ရပြီး ခွဲစိတ်မှုပါ ခံယူရတာက ပရိသတ်တွေကို စိတ်မကောင်း ဖြစ်စေပါတယ်။