ကမ္ဘာ့ဖလား ဆီမီးဖိုင်နယ်မှာ အာဂျင်တီးနားကို ၂ ဂိုး ၁ ဂိုးနဲ့ ရှုံးနိမ့်ပြီးနောက် ဝေဖန်ခံနေရတဲ့ အင်္ဂလန်နည်းပြ သောမတ်စ်တူချယ်က သူ့ရဲ့နည်းဗျူဟာကို ကာကွယ်ခဲ့ပြီး ဘောလုံးပိုင်ဆိုင်မှု အသာယူ မကစားနိုင်တဲ့ အင်္ဂလိပ်ဘောလုံး DNA ကြောင့် ရှုံးနိမ့်ရတာလို့ ပြောတဲ့အကြောင်း Sky Sports သတင်းမှာ ဖော်ပြပါတယ်။
ပွဲချိန်အတွင်း နောက်တန်း ၅ ယောက်အထိ ပြောင်းလဲကစားခဲ့တာဟာ ခံစစ်ကစားဖို့ မဟုတ်ဘဲ ပိုမိုတက်ကြွစွာ ကစားဖို့ဖြစ်ပေမဲ့ ကစားသမားတွေက ဖိအားတွေအောက်မှာ အမှားများခဲ့တယ်လို့ ဆိုပါတယ်။
ဒါ့အပြင် ရာသီဥတုပူပြင်းမှု၊ ခရီးပန်းမှုနဲ့ ကစားသမားတွေရဲ့ ရုပ်ပိုင်းဆိုင်ရာ အားနည်းချက်တွေ ကလည်း အသင်းကို ထိခိုက်စေခဲ့တယ်လို့ သူက ထောက်ပြပါတယ်။
ဒါပေမဲ့ ၂၀၂၈ ခုနှစ် ဥရောပဖလားပြိုင်ပွဲအထိ အင်္ဂလန်အသင်းကို ဆက်လက်ကိုင်တွယ်သွားဖို့ ရာနှုန်းပြည့် ဆုံးဖြတ်ထားပြီး အသင်းကို နောက်တဆင့်ဆီ ပို့ဆောင်ပေးနိုင်မယ်လို့ ယုံကြည်နေဆဲဖြစ်ကြောင်း နည်းပြတူချယ်က ဆက်လက်ပြောဆိုထားပါတယ်။
