ဝက်စ်ဟမ်းအသင်းက တောင်ပံကစားသမား ခရိုင်ဆန်စီယို ဆမ်းမားဗီးလ်ကို ဆော်ဒီကလပ် အယ်လ်ဟီလာအသင်းဆီ ရောင်းချလိုက်ကြောင်း အတည်ပြုပါတယ်။

ဒီပြောင်းရွှေ့ကြေးဟာ ပေါင် ၆၀ သန်းအထိ ရှိတာပါ။ နယ်သာလန်လက်ရွေးစင် ဆမ်းမားဗီးလ်ရဲ့ အခုပြောင်းရွှေ့မှုက ဝက်စ်ဟမ်းအတွက် အပိုရန်ပုံငွေတွေ ရရှိစေတာ ဖြစ်ပါတယ်။

အသက် ၂၄ နှစ်အရွယ် ဆမ်းမားဗီးလ်ဟာ ဝက်စ်ဟမ်းမှာ နှစ်ရာသီ ကစားခဲ့တာပါ။ ဒီကာလအတွင်း ၅၆ ပွဲကစားပြီး ၈ ဂိုး သွင်းယူထားပါတယ်။ 

ဇန်နဝါရီနဲ့ ဖေဖော်ဝါရီလတွေမှာ ၅ ပွဲဆက်တိုက် ဂိုးသွင်းခဲ့ပေမဲ့ အသင်းကတော့ မေလမှာ ပရီးမီးယားလိဂ်ကနေ တန်းဆင်းခဲ့ရတာပါ။

ဒီနွေရာသီအစောပိုင်းက ကွင်းလယ်ကစားသမား မာတေးယုစ် ဖာနန်ဒက်စ်ကို စပါးဆီ ပေါင် ၈၅ သန်းနဲ့ ရောင်းချပြီးနောက် ထပ်မံရရှိတဲ့ ရန်ပုံငွေလည်း ဖြစ်ပါတယ်။

Photo: Reuters