ကမ္ဘာတဝန်း ကိုဗစ်-၁၉ ကူးစက်ခံရပြီး သေဆုံးသူအရေအတွက်ဟာ ၅ သန်း ကျော်ရှိလာခဲ့ ပြီး သိန်းချီသေဆုံးတဲ့ နိုင်ငံပေါင်း ၁၃ နိုင်ငံထိ ရှိလာနေပြီ ဖြစ်ပါတယ်။

တကမ္ဘာလုံး အတိုင်းအတာနဲ့ ကိုဗစ်-၁၉ ရောဂါကူးစက်ခံရသူအရေအတွက်ကတော့ ၂၄၇ ဒသမ ၅၄ သန်းကျော်နဲ့ ရောဂါပြန်လည်ပျောက်ကင်းလာသူ အရေအတွက်ကတော့ ၂၂၄ ဒသမ ၁၉ သန်းကျော် ရှိနေတာပါ။

သိန်းချီသေဆုံးမှု အမြင့်ဆုံး နိုင်ငံတွေထဲမှာတော့ အမေရိကန်နိုင်ငံက သေဆုံးသူ ၇ သိန်း ၆ သောင်းကျော်၊ ကူးစက်ခံရသူ ၄၆ ဒသမ ၈၂ သန်းကျော်နဲ့ ထိပ်ဆုံးမှာရှိနေပြီး သူ့နောက် မှာတော့ ဘရာဇီးနိုင်ငံက သေဆုံးသူ ၆ သိန်းကျော်၊ ကူးစက်ခံရသူ ၂၁ ဒသမ ၈၁ သန်း ကျော်နဲ့ ရှိနေပါတယ်။

တတိယနေရာမှာတော့ အာရှနိုင်ငံတနိုင်ငံဖြစ်တဲ့ အိန္ဒိယနိုင်ငံက သေဆုံးသူ ၄ သိန်း ၆ သောင်းနီးပါး၊ ကူးစက်ခံရသူ ၃၄ ဒသမ ၂၈ သန်းကျော်နဲ့ ထိပ်ဆုံး ၃ နိုင်ငံအနေနဲ့ အသီး သီး ရပ်တည်နေပါတယ်။

အဲဒီ ၃ နိုင်ငံနောက်မှာတော့ မက္ကဆီကို၊ ရုရှားနဲ့ ပီရူးနိုင်ငံတွေက သေဆုံးသူ ၂ သိန်းကျော်၊ အင်ဒိုနီးရှား၊ ယူကေ၊ အီတလီ၊ ကိုလံဘီယာ၊ အီရန်၊ ပြင်သစ်နဲ့ အာဂျင်တီးနားနိုင်ငံတွေက ၁ သိန်းကျော်စီ ရှိနေတာ ဖြစ်ပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအ တွက် ၉ သောင်း ၇ ထောင်ကျော်၊ စုစုပေါင်း သေဆုံးသူ ၄,၆၃၆ ရှိနေပါတယ်။

အာဆီယံဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါ သန်းချီကူးစက်ပြန့်ပွားမှု အ မြင့်ဆုံး နိုင်ငံတွေအဖြစ် အင်ဒိုနီးရှား၊ ဖိလစ်ပိုင်၊ မလေးရှား၊ ထိုင်းနိုင်ငံတွေက အစဉ်လိုက် ရပ်တည်နေတာ ပါတယ်။

မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၅ သိန်းကျော်၊ သေဆုံးသူ ၁၈,၇၀၀ နီးပါးနဲ့ အာဆီယံနိုင်ငံတွေထဲမှာ ကိုဗစ်-၁၉ ရောဂါကြောင့် သေဆုံးမှု အများဆုံး ထိပ်တန်း ၅ နိုင်ငံထဲမှာ ပါဝင်နေပါတယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သိန်း ၂ သောင်း ကျော်နဲ့ သေဆုံးသူ ၂၂,၀၀၀ ကျော် ရှိနေပါတယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၂ သိန်းနီးပါးနဲ့ သေဆုံးသူအရေ အတွက် ၄၀၇ ယောက်ရှိနေပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁ သိန်း ၂  သောင်းနီးပါးနဲ့ သေဆုံးသူ ၂,၈၀၀ နီးပါးရှိနေပါတယ်။

ဘရူနိုင်းနိုင်ငံမှာတော့ ရောဂါကူးစက်ခံရသူ ၁၃,၀၀၀ ကျော်နဲ့ သေဆုံးသူအရေအတွက် ၈၉ ယောက် ရှိနေပြီး လာအိုနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၄ သောင်းကျော်နဲ့ သေဆုံးသူ ၆၅ ယောက်ရှိနေပါတယ်။