ရန်ကုန်တိုင်း၊ လှိုင်မြို့နယ်၊ အမှတ် ၃ ရပ်ကွက်၊ ၁၁ လမ်းမှာ စစ်ကောင်စီ သတင်းပေး ဒလန်လို့ လူသိများတဲ့ အမျိုးသားတစ်ယောက် အောက်တိုဘာလ ၁၀ ရက် ညနေပိုင်းက သေနတ်နဲ့ ပစ်သတ်ခံရလို့ သေဆုံးခဲ့ပါတယ်။
သေနတ်နဲ့ မသေမချင်း ၅ ချက် ပစ်သတ်ခံရတဲ့ ဇေလတ် (ခ) တင်မောင်ထွေးဟာ စစ်ကောင်စီသတင်းပေး ဒလန်တစ်ဦးဖြစ်ပြီး ကြံ့ခိုင်ရေးပါတီဝင်လည်း ဖြစ်ကြောင်း ဒေသခံတွေက ပြောပါတယ်။
“ညနေ ၆ နာရီခွဲလောက်က လှိုင်ညနေဈေးနားမှာ ပစ်သတ်ခံလိုက်ရတယ်။ လှိုင်ဒလန်စာရင်း ထဲက နာမည်ကြီးဒလန်ဘဲ။ မသေမချင်းကို ပစ်သတ်သွားတာ”လို့ လွိုင္ၿမဳိ႕နယ္ေဒသခံ တစ္ဦးကေျပာပါတယ္။
ပစ်သတ်ခံရတဲ့ ဇေလတ်ဟာ ရန်ကုန်မြို့လယ်မှာပြုလုပ်ခဲ့တဲ့ စစ်အာဏာရှင်ဆန့်ကျင်ရေး ဆန္ဒပြပွဲမှာ ပြည်သူတစ်ဦးကို ဓားနဲ့ ဝင်ထိုးထွက်ပြေးသွားခဲ့သူဖြစ်တယ်လို့လည်း ဒေသခံတွေကပြောပါတယ်။
လှိုင်မြို့နယ်ဟာ ရန်ကုန်မြို့အတွင်း စစ်ကောင်စီတပ်ဖွဲ့ဝင်တွေ ပစ်မှတ်ထားနေတဲ့ မြို့နယ်ဖြစ်ပြီး အခုလို ဒလန်ပစ်သတ်ခံရပြီးနောက် စစ်ကောင်စီတပ်ဖွဲ့ဝင်တွေက တင်းတင်းကျပ်ကျပ် စစ်ဆေးနေပါတယ်။
