ရန်ကုန်တိုင်းဒေသကြီး၊  သန်လျင်မြို့နယ်မှာ  လူသိများတဲ့ စစ်ကောင်စီ သတင်းပေးဒလန်တစ်ဦး အောက်တိုဘာ ၃ ရက် မနက်ပိုင်းမှာ သေနတ်နဲ့ ပစ်ခတ်ခံခဲ့ရလို့ သေဆုံးခဲ့ပါတယ်။

ဒလန်လို့ နာမည်ကြီးနေတဲ့ အုန်းသန်းဟာ ဒီနေ့မနက်က ဘိလိယက်ခုံကအပြန် တာဝ၊ ကညင်ပင် ဘုန်းကြီးကျောင်းရှေ့နားမှာ  သေနတ်နဲ့ ၃ ချက် အပစ်ခံရလို့ ပွဲချင်းပြီး သေဆုံးသွားတယ်လို့ ဒေသခံတွေက ပြောပါတယ်။

“ခေါင်းကို တစ်ချက်၊ ဗိုက်ကို ၂ ချက် အပစ်ခံရလို့ ပွဲချင်းပြီး သေတယ်။ ဘယ်သူတွေ ပစ်တယ် ဆိုတာတော့ သေချာမသိရသေးဘူး” လို့ ဒေသခံတစ်ဦးက ပြောပါတယ်။

သေနတ်ပစ်ခံပြီးနောက်ပိုင်း အခင်းဖြစ်ပွားရာနေရာကို စစ်ကောင်စီ တပ်ဖွဲ့ဝင်အင်အား အများအပြား ရောက်လာပြီး ပိတ်ဆို့စစ်ဆေးမေးမြန်းနေပါတယ်။