စစ်ကိုင်းတိုင်း၊ ရေဦးမြို့ ရေဦးကမ္ဘောဇဘဏ်ခွဲက ဝန်ထမ်းနှစ်ဦး ကိုဗစ်-၁၉ ကူးစက်ခံရတဲ့ ဩဂုတ် ၂ ရက်နေ့ကစပြီး ဘဏ်ဝန်ဆောင်မှုတွေ ယာယီရပ်နားထားမယ်လို့ ဘဏ်က ထုတ်ပြန်ကြေညာပါတယ်။
ခေတ္တယာယီရပ်ဆိုင်းထားတဲ့ကာလအတွင်း ဘဏ်နဲ့ ဘဏ်ပတ်ဝန်းကျင်ကို ပိုးသတ်ဆေးဖြန်းတာတွေ ပြုလုပ်သွားမယ်လို့ ဆိုပါတယ်။
KBZPAY . KBZ iBanking . MBanking စတဲ့ ဒီဂျစ်တယ်ဘဏ်လုပ်ငန်းတွေကိုတော့ ဆက်လက်ဝန်ဆောင်မှုပေးသွားမှာဖြစ်ပြီး ဘဏ်ဖွင့်မယ့်ရက်ကို ထပ်မံကြေညာသွားမယ်လို့ သိရပါတယ်။
စစ်ကိုင်းတိုင်း၊ ရေဦးမြို့မှာ ကျန်းမာရေးဝန်ထမ်း ၁၀ ဦးလောက် ကိုဗစ်-၁၉ ရောဂါပိုးတွေ့လို့ ဇူလိုင်လ ၂၆ ရက်နေ့ကစပြီး ကိုဗစ်စစ်ဆေးမှုတွေ တပတ်ကြာရပ်နားထားပြီး ဩဂုတ် ၂ ရက်နေ့က ပြန်လည်စစ်ဆေးရာမှာ မ္ဘောဇဘဏ် ဝန်ထမ်း ၂ ဦးအပါအဝင် ကိုဗစ်အတည်ပြုလူနာ ၄၀ ကျော်တွေ့ရှိခဲ့တာပါ။
ရေဦးမြို့မှာ ကိုဗစ်-၁၉ ကူစက်မှုနှုန်းမြင့်မားနေတာဖြစ်ပြီး ကမ္ဘောဇ ဘဏ်တည်ရှိရာ အောင်ဆန်ရပ်ကွက်ကိုလည်း ဇူလိုင်လ ၂၈ ရက်ကနေ ဩဂုတ် ၁၀ ရက်နေ့အထိ ၁၄ ရက်တာ Stay at home ကြေညာထားပါတယ်။
ရေဦးမြို့မှာ ဇွန်လလယ်ကစပြီး ဩဂုတ် ၂ ရက်နေ့အထိ ကိုဗစ်အတည်ပြုလူနာပေါင်း ၄၀၃ ယောက်၊ သေဆုံးသူ ၁၀ ဦးနဲ့ သက်သာပျောက်ကင်းလို့ ဆေးရုံကဆင်းသွားသူ ၃၀၂ ဦးရှိပြီလို့ သိရပါတယ်။
