နည်းပြ တူချယ်ရဲ့ အင်္ဂလန်အသင်းဟာ ကမ္ဘာ့ဖလားအကြို ခြေစမ်းပွဲအဖြစ် မနေ့ညက နယူးဇီလန်နဲ့ ယှဉ်ပြိုင်ခဲ့တာမှာ ၁ ဂိုး ဂိုးမရှိနဲ့ အနိုင်ရခဲ့ပါတယ်။
အင်္ဂလန်အတွက် တလုံးတည်းသော အနိုင်ဂိုးကို ပထမပိုင်းပြီးခါနီးမှာ အသင်းခေါင်းဆောင် ဟာရီကိန်းက ခေါင်းတိုက်သွင်းယူခဲ့ပါတယ်။ ဒါဟာ ကိန်းအတွက် အင်္ဂလန်အသင်းနဲ့အတူ ၇၉ ဂိုးမြောက် သွင်းဂိုး ဖြစ်ပါတယ်။
ဒုတိယပိုင်းမှာတော့ နည်းပြ တူချယ်က ကစားသမားတွေ အများကြီး ပြောင်းလဲခဲ့ပါတယ်။ သူဟာ ပထမပိုင်းနဲ့ ဒုတိယပိုင်းအတွက် ကစားသမား ၁၁ ယောက်စီ သီးခြားစီခွဲပြီး စမ်းသပ်ပွဲထုတ်ခဲ့တာပါ။
အဲဒီထဲမှာ လီဗာပူးလူငယ်ကစားသမား ရီယိုငူမိုဟာလည်း အင်္ဂလန်စီနီယာအသင်းအတွက် ပထမဆုံးအကြိမ် ပါဝင်ကစားခွင့် ရခဲ့ပြီး သူဟာ အသင်းရဲ့ ၅ ယောက်မြောက် အသက်အငယ်ဆုံး ကစားသမား ဖြစ်လာခဲ့ပါတယ်။
အင်္ဂလန်အသင်းဟာ လာမဲ့ ဇွန် ၁၇ ရက်မှာ ခရိုအေးရှားနဲ့ ကမ္ဘာ့ဖလား အဖွင့်ပွဲစဉ် ကစားရမှာ ဖြစ်ပါတယ်။
