ထိုင်းနိုင်ငံမှာ ပြီးခဲ့တဲ့ ၂၄ နာရီအတွင်း ကိုဗစ်-၁၉ ရောဂါကူးစက်ခံရပြီးသေဆုံးမှု အသစ် ၅၁ ယောက်နဲ့ စံချိန်တင်မြင့်တက်ခဲ့ပြီး စုစုပေါင်းသေဆုံးသူ ၁၇၄၄ ယောက်ထိ ရှိလာနေပြီ ဖြစ်ပါတယ်။

ကိုဗစ်-၁၉ ရောဂါကူးစက်ခံရသူ အသစ်ကတော့ ၃,၁၇၄ ယောက်ရှိခဲ့ပြီး အဲဒီထဲက ၃၆ ယောက်ကတော့ နိုင်ငံတဝန်း အကျဉ်းထောင်တွေကဖြစ်တယ်လို့ ထိုင်းပြည်သူ့ကျန်း မာရေးဝန်ကြီးဌာနက ထုတ်ပြန်ပါတယ်။

ပြီးခဲ့တဲ့ ၂၄ နာရီအတွင်း ရောဂါပြန်လည်ပျောက်ကင်းသက်သာလာတဲ့အတွက် ဆေးရုံကဆင်းခွင့်ရသူအရေအတွက်ကတော့ ၁,၉၄၁ ယောက် ရှိလာခဲ့တာပါ။

ထိုင်းနိုင်ငံမှာ ပြီးခဲ့တဲ့ ဧပြီလဆန်းကစလို့ ကိုဗစ်-၁၉ တတိယလှိုင်း ကူးစက်မှုတွေ စတင်ခဲ့တာဖြစ်ပြီး ရောဂါကူးစက်ခံရသူ ၁၉၉,၆၇၆ ယောက်နဲ့ စုစုပေါင်း ရောဂါကူး စက်ခံရသူ ၂၂၈,၅၃၉ ယောက်ထိ ရှိလာခဲ့တယ်လို့ ဆိုပါတယ်။

အာဆီယံဒေသတွင်းနိုင်ငံတွေထဲမှာတော့ သန်းချီကူးစက်ခံနိုင်ငံတွေဖြစ်ကြတဲ့ အင်ဒိုနီးရှားနဲ့ ဖိလစ်ပိုင်ပြီးရင် မလေးရှားနိုင်ငံက ရောဂါကူးစက်ခံရသူပေါင်း ၇ သိန်းကျော်နဲ့ ကိုဗစ်-၁၉ ရောဂါကူးစက်ခံရမှု အများဆုံးနိုင်ငံတွေအဖြစ်ရှိနေပြီး အဲဒီနိုင်ငံတွေ နောက်မှာ ထိုင်းနိုင်ငံက ရှိနေတာ ဖြစ်ပါတယ်။