အမျိုးသားညီညွတ်ရေးအစိုးရ(NUG) အဖွဲ့ဝင်တွေ၊ CRPH အဖွဲ့ဝင်တွေနဲ့ မြန်မာ့အရေး ဆောင်ရွက်နေတဲ့ အဖွဲ့အစည်းအသီးသီးမှ ဂျပန်ရောက်မြန်မာတွေ အွန်းလိုင်း ZOOM မှတဆင့် ဒီကနေ့ တွေ့ဆုံဆွေးနွေးခဲ့ကြပါတယ်။
တွေ့ဆုံပွဲမှာ NUG ဝန်ကြီး နော်ဆူဇန်နာလှလှစိုးက လက်ရှိ NUG အစိုးရ ဆောင်ရွက်နေတဲ့ အခြေအနေနဲ့ ရှေ့လုပ်ငန်းစဉ်တွေကို ရှင်းလင်းတင်ပြခဲ့ကာ ဂျပန်နိုင်ငံရောက် မြန်မာနိုင်ငံသားတွေရဲ့ မေးမြန်းမှုတွေကို ဦးထွန်းမြင့် အပါအဝင် CRPH အဖွဲ့ဝင်တွေက ရင်းနှီးစွာ ပြန်လည်ဖြေကြားခဲ့ပါတယ်။
၂၀၂၀ ရွေးကောက်ပွဲအနိုင်ရ ရန်ကုန်တိုင်း ကရင်ရေးရာဝန်ကြီး နော်ဆူဇန်နာလှလှစိုးဟာ ဧပြီ ၁၆ ရက်က ဖွဲ့စည်းလိုက်တဲ့ NUG အစိုးရမှာ အမျိုးသမီး၊ လူငယ်နှင့် ကလေးသူငယ်ရေးရာ ၀န်ကြီးဌာန ဝန်ကြီးအဖြစ် တာဝန်ယူထမ်းဆောင်နေတာလည်း ဖြစ်ပါတယ်။
ဒီတွေ့ဆုံဆွေးနွေးပွဲကို NLD organizing committee Japan က စီစဉ်တာဖြစ်ပါတယ်။
