ကမ္ဘာတဝန်း ကိုဗစ်-၁၉ ရောဂါကူးစက်ခံရပြီး သေဆုံးသူ စုစုပေါင်း သိန်း ၃၀ ကျော် ရှိလာခဲ့ပြီး သိန်းချီသေဆုံးတဲ့ နိုင်ငံ‌ပေါင်း ၈ နိုင်ငံထိ ရှိလာနေပြီ ဖြစ်ပါတယ်။

တကမ္ဘာလုံးအတိုင်းအတာနဲ့ ရောဂါကူးစက်ခံရသူ စုစုပေါင်းကတော့ ၁၄၁ သန်းကျော်နဲ့ ရောဂါပြန်လည်ပျောက်ကင်းလာသူအရေအတွက် ၁၁၉ ဒသမ ၇ သန်းကျော် ရှိနေတာပါ။

ကိုဗစ်-၁၉ ကြောင့် သေဆုံးမှု အမြင့်ဆုံး နိုင်ငံတွေအနေနဲ့ အမေရိကန်နိုင်ငံက သေ ဆုံးသူ ၅ သိန်း ၈ သောင်းကျော်၊ ရောဂါကူးစက်ခံရသူ ၃၂ သန်းကျော်၊ ဘရာဇီးနိုင်ငံက သေဆုံးသူ ၃ သိန်း ၇ သောင်းနီးပါး၊ ရောဂါကူးစက်ခံရသူ ၁၃ ဒသမ ၈ သန်းကျော်၊ မက္က ဆီကိုနိုင်ငံက သေဆုံးသူ ၂ သိန်းကျော်၊ ရောဂါကူးစက်ခံရသူ ၂ ဒသမ ၃ သန်းနီးပါးနဲ့ ထိပ်ဆုံး ၃ နိုင်ငံအနေနဲ့ ရပ်တည်နေပါတယ်။

အဲဒီနောက်မှာတော့ အိန္ဒိယနိုင်ငံက သေဆုံးသူ ၁ သိန်း ၇ သောင်းကျော်၊ ရောဂါ ကူးစက်ခံရသူ ၁၄ ဒသမ ၇ သန်းကျော်၊ ယူကေနိုင်ငံက သေဆုံးသူ ၁ သိန်း ၂ သောင်း ကျော်၊ ရောဂါကူးစက်ခံရသူ ၄ ဒသမ ၃ သန်းကျော်၊ အီတလီနိုင်ငံက သေဆုံးသူ ၁ သိန်း ၁ သောင်းကျော်၊ ရောဂါကူးစက်ခံရသူ ၃ ဒသမ ၈ သန်းကျော်၊ ရုရှားနိုင်ငံက သေဆုံးသူ ၁ သိန်းကျော်၊ ရောဂါ ကူးစက်ခံရသူ ၄ ဒသမ ၆ သန်းကျော်၊ ပြင်သစ်နိုင်ငံက သေဆုံးသူ ၁ သိန်းကျော်၊ ရောဂါကူးစက်ခံရသူ ၅ ဒသမ ၂ သန်းကျေိာ်စီနဲ့ ရှိနေတာပါ။

ခုချိန်ထိ ကမ္ဘာတဝန်း ကိုဗစ်-၁၉ ရောဂါ ကူးစက်ခံရသူဦးရေ ၁ သန်းကျော်လာခဲ့ တဲ့ နိုင်ငံပေါင်းကတော့ ၂၄ နိုင်ငံထိ ရှိလာခဲ့ပြီလို့ Worldometers ဝက်ဘ်ဆိုက်ဒ်မှာ ဖော် ပြထားပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အ ရေအတွက် ၉ သောင်းကျော်၊ စုစုပေါင်း သေဆုံးသူ ၄,၆၃၆ ယောက်နဲ့ နိုင်ငံအလိုက် အမှတ်စဉ် ၉၅ နေရာထိ ကျဆင်းသွားခဲ့ပါတယ်။

အာရှဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါ သန်းချီကူးစက်ပြန့်ပွားမှု အမြင့်ဆုံး အိန္ဒိယ၊ တူရကီ၊ အီရန်၊ အင်ဒိုနီးရှားနိုင်ငံတွေပြီးရင် အီရတ်နဲ့ ဖိလစ်ပိုင်နိုင်ငံ တွေက ရောဂါကူးစက်ခံရသူဦးရေ ၉ သိန်းကျော်စီ၊ အစ္စရေးနိုင်ငံက ၈ သိန်းကျော်၊ ပါကစ္စတန်နဲ့ ဘင်္ဂလားဒေ့ရှ်နိုင်ငံတွေက ရောဂါကူးစက်ခံရသူဦးရေ ၇ သိန်းကျော်စီနဲ့ အသီးသီး ကူးစက်ခံထားရတာပါ။

မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၁၄၂,၆၁၉ ယောက်၊ သေဆုံးသူ ၃,၂၀၆ ယောက်နဲ့ ဆေးရုံက ဆင်းခွင့်ရသူပေါင်း ၁၃၁,၈၈၉ ယောက်ရှိနေပြီး အာဆီယံနိုင်ငံတွေထဲမှာ ကိုဗစ်-၁၉ ရောဂါကူးစက်ခံရပြီး သေဆုံးမှုအများဆုံး ၃ နိုင်ငံထဲမှာ ပါဝင်နေပါတယ်။

မလေးရှားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၃ သိန်း ၇ သောင်းကျော်နဲ့ သေဆုံးသူ ၁,၃၇၀ ယောက် ရှိပါတယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၆ သောင်းကျော်နဲ့ သေ ဆုံးသူအရေအတွက်အယောက် ၃၀ ရှိနေတာ ဖြစ်ပါတယ်။

မြန်မာနဲ့ အိမ်နီးချင်းနိုင်ငံတနိုင်ငံဖြစ်တဲ့ ထိုင်းနိုင်ငံမှာတော့ ကိုဗစ်-၁၉ ရောဂါကူး စက်ခံရသူ အရေအတွက် ၄ သောင်းကျော်နဲ့ သေဆုံးသူ ၉၉ ယောက် ရှိနေပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၅,၇၇၁ ယောက်နဲ့ သေဆုံးသူ ၃၉ ယောက်ရှိလာခဲ့ပြီဖြစ်ပြီး ဗီယက်နမ်နိုင်ငံမှာတော့ ရော ဂါကူးစက်ခံရသူ အရေအတွက် ၂,၇၈၀ ယောက်နဲ့ သေဆုံးသူအရေအတွက် ၃၅ ယောက် ရှိနေတာပါ။

လာအိုနိုင်ငံမှာတော့ ရောဂါကူးစက်ခံရသူ ၅၈ ယောက် ရှိနေပေမယ့် သေဆုံးလူနာ ခုချိန်ထိ မရှိသေးပါဘူး။