မကွေးတိုင်းဒေသကြီး၊ ချောက်မြို့ ရေနံမြေအထွေထွေပင်မသပိတ်စစ်ကြောင်းမှာ ပါဝင်တဲ့ CDM ဝန်ထမ်းအဖွဲ့ ၅ ဖွဲ့ကို ဖေးမကူညီလက်တွဲညီ ကမ်းလင့်လက်လူငယ်ဂီတအဖွဲ့က ဖေဖော်ဝါရီ ၂၄ ရက်မနက်ပိုင်းမှာ ထောက်ပံ့ငွေ  ပေးအပ်ခဲ့ပါတယ်။

အဆိုပါကမ်းလင့်လက်လူငယ်ဂီတာအဖွဲ့က ဂီတာတီးအလှူခံလို့ရတဲ့ ငွေကို CDM ပါဝင်ကြတဲ့ ပညာရေးအဖွဲ့၊ ကျန်းမာရေးအဖွဲ့၊ သဘင်ပညာရှင်အဖွဲ့၊ မြိုနယ်လျှပ်စစ်အဖွဲ့နဲ့ မြန်မာ့ရေနံ MOGE က အင်ဂျင်နီယာအဖွဲ့တို့ထံ ကျပ်  ၂ သိန်းကျပ်စီ  ပေးအပ်ခဲ့တာပါ။

CDM လှုပ်ရှားမှုမှာပါဝင်တဲ့ ချောက်ရေနံမြေ မြန်မာ့ရေနံနှင့် သဘာဝဓာတ်ငွေ့လုပ်ငန်း MOGE လက်အောက်ဝန်ထမ်းတွေဟာ နေပြည်တော်ရုံးချုပ် ညွှန်ကြားရေးမှူးရဲ့ ဖိအားပေးမှုတွေလည်း  ရင်ဆိုင်‌နေရတယ်လို့ ဝန်ထမ်းတွေက ပြောပါတယ်။

ချောက်ရေနံမြေလုံးဆိုင်ရာ ပင်မသပိတ်စစ်ကြောင်းက အာဏာသိမ်း စစ်ကောင်စီကို ဆန့်ကျင်ဆန္ဒပြနေတာ  ဒီကနေ့ဆိုရင် ၁၈ ရက်မြောက်ရှိနေပြီ ဖြစ်ပါတယ်။