မန်စီးတီးနည်းပြ ဂွါဒီယိုလာဟာ ချန်ပီယံဆုအတွက် အရေးပါတဲ့ အဲဗာတန်နဲ့ပွဲမတိုင်ခင် သူ့ရဲ့ ပထမဆုံး အဲဗာတန်ခရီးစဉ်က ၄-၀ ဂိုးနဲ့ ရှုံးနိမ့်ခဲ့တဲ့ သင်ခန်းစာကို သတိပြုနေပါတယ်။ 

အခုတခေါက်မှာတော့ အဲဗာတန်ရဲ့ ကွင်းသစ်ဖြစ်တဲ့ Hill Dickinson Stadium ကို ပထမဆုံးအကြိမ် သွားရောက်ကစားရမှာဖြစ်ပြီး ဆုဖလားမျှော်လင့်ချက်အတွက် အမှတ်မလျော့စေဖို့ ဂွါဒီယိုလာက ပြင်ဆင်နေတာပါ။

မန်စီးတီးဟာ အဲဗာတန်ကွင်းဟောင်းမှာ နိုင်ပွဲဆက်မှတ်တမ်းကောင်းခဲ့ပေမဲ့ ကွင်းသစ်ရဲ့ အစိမ်းသက်သက် အခြေအနေက စိန်ခေါ်မှု ဖြစ်လာနိုင်ပါတယ်။ 

ဂွါဒီယိုလာကတော့ အဲဗာတန်ရဲ့ အိမ်ကွင်းပတ်ဝန်းကျင်ဟာ အမြဲတမ်း ခက်ခဲတတ်ကြောင်း ဝန်ခံထားပြီး အာဆင်နယ်နဲ့ အမှတ်ပြိုင်နေရတဲ့ အခုလို အဆုံးအဖြတ်ကာလမှာ အာရုံစိုက်မှုအပြည့်ထားဖို့ ကစားသမားတွေကို တိုက်တွန်းထားပါတယ်။