၂၀၂၆ ဖီဖာကမ္ဘာ့ဖလား ၁၆ သင်းအဆင့်ရှုံးထွက်ပွဲစဉ်မှာ စပိန်အသင်းက ပေါ်တူဂီအသင်းကို (၁-၀) ဂိုးနဲ့အနိုင်ရပြီး နောက်တဆင့် ကွာတားဖိုင်နယ်ကို တက်ရောက်သွားပါတယ်။
အမေရိကန်ပြည်ထောင်စု၊ တက္ကဆက်ပြည်နယ်၊ ဒါးလတ်စ်အားကစားကွင်းမှာ ဒေသစံတော်ချိန် ဇူလိုင် ၆ ရက်က ယှဉ်ပြိုင်ကစားခဲ့ကြတာမှာ ပထမပိုင်းမှာ ဂိုးမရှိသရေကျနေခဲ့ပြီး ဒုတိယပိုင်း မိနစ် ၉၀ အပြီး နာကျင်အချိန်ပို ၁ မိနစ်မှာ လူစားဝင်ကစားသမား မီကဲလ်မီရီနို ရဲ့သွင်းဂိုးနဲ့ စပိန်အသင်း ပွဲပြီးခါနီး အနိုင်ရပြီး နောက်တဆင့်တင်သွားတာဖြစ်ပါတယ်။
ပေါ်တူဂီအသင်းခေါင်းဆောင် အသက် ၄၁ နှစ်အရွယ် စီရော်နယ်ဒိုကတော့ သူ့အတွက် ၆ ကြိမ်မြောက်နဲ့ နောက်ဆုံးအကြိမ် ကမ္ဘာ့ဖလားမှာ ပါဝင်ကစားပြီး နှုတ်ဆက်သွားပြီ ဖြစ်ပါတယ်။
ဒီနေ့ပွဲစဉ်မှာ အနိုင်ရရှိတဲ့ စပိန်အသင်းက ကွာတားဖိုင်နယ်ပွဲစဉ်မှာ အမေရိကန် ဒါမှမဟုတ် ဘယ်လ်ဂျီယံအသင်းနဲ့ ရင်ဆိုင်ရမှာဖြစ်ပါတယ်။
