မနေ့ညက ထုတ်ပြန်ခဲ့တဲ့ ကိုဗစ်-၁၉ ပိုးတွေ့လူနာအသစ် ၁,၁၅၀ ယောက်ထဲမှာ ရန်ကုန်တိုင်းက ၈၄၁ ယောက်နဲ့ အများဆုံး တွေ့ရှိတယ်လို့ ကျန်းမာရေးနှင့် အားကစားဝန်ကြီးဌာနရဲ့ ဒီကနေ့ညနေ ၅ နာရီ ထုတ်ပြန်ချက်အရ သိရပါတယ်။

ရန်ကုန်တိုင်းက အတည်ပြုလူနာတွေထဲမှာ မင်္ဂလာတောင်ညွန့်က အယောက် ၈၀၊ မင်္ဂလာဒုံမြို့နယ်က ၆၉ ယောက်၊ တောင်ဥက္ကလာပ  ၅၂ ယောက်၊ သင်္ယန်းကျွန်းက ၄၅ ယောက်၊ တာမွေက ၄၄  ယောက်စီနဲ့ အများဆုံးဖြစ်ပြီး စုစုပေါင်း မြို့နယ် ၃၉ မြို့နယ် ပါဝင်နေတာ ဖြစ်ပါတယ်။

တိုင်းနဲ့ ပြည်နယ်တွေအလိုက် ကိုဗစ်-၁၉ ရောဂါပိုးတွေ့ရှိမှုအနေနဲ့ ပဲခူးတိုင်းမြို့နယ် ၁၄ ခုမှာ ၁၁၂ ယောက် ၊ မန္တလေးတိုင်း မြို့နယ် ၉ ခုမှာ ၄၄ ယောက်၊ ဧရာဝတီတိုင်း  မြို့နယ် ၁၁ ခုမှာ  ၄၉ ယောက်၊ ရခိုင်ပြည်နယ် မြို့နယ် ၁၁ ခုမှာ ၅၅ ယောက်၊ မကွေးတိုင်း မြို့နယ် ၇ ခုမှာ ၉ ယောက်၊ စစ်ကိုင်းတိုင်းမြို့နယ်  ၂ ခုမှာ ၆ ယောက်၊ မွန်ပြည်နယ် မော်လမြိုင်မြို့မှာ ၁  ယောက်၊ ကရင်ပြည် နယ်မြို့နယ် ၄ ခုမှာ ၁၇ ယောက်၊ ရှမ်းပြည်နယ်မြို့နယ်  ၂ ခုမှာ ၄ ယောက်၊ တနင်္သာရီတိုင်းမြို့နယ် ၃ ခုမှာ ၅ ယောက်၊ ကချင်ပြည်နယ်၊ မြစ်ကြီးနားမြို့မှာ  ၇ ယောက် အသီးသီးတွေ့ရှိခဲ့ပါတယ်။

ဓာတ်ခွဲအတည်ပြုလူနာသစ် ၁,၁၅၀ ယောက်ထဲမှာ အနံ့မရသူ ၂၂၉ ယောက် ပါဝင်တယ်လို့ ကျန်းမာရေးနဲ့ အားကစားဝန်ကြီးဌာနက ထုတ်ပြန်ထားပါတယ်။

မြန်မာနိုင်ငံမှာ အောက်တိုဘာ ၁၈ ရက် ည ၈ နာရီအထိ ကိုဗစ်-၁၉ အတည်ပြု လူနာစုစုပေါင်း ၃၆,၀၂၅ ယောက်၊ သေဆုံးသူ ၈၈၀ ယောက်နဲ့ ဆေးရုံက ဆင်းခွင့်ရ သူပေါင်း ၁၇,၀၇၆ ယောက် ရှိပြီလို့ ကျန်းမာရေးဝန်ကြီးဌာနက ထုတ်ပြန်ထားပါတယ်။

ကမ္ဘာတဝန်းမှာတော့ ဒီနေ့ညနေအထိ ကိုဗစ်-၁၉ အတည်ပြုလူနာ ၄၀ ဒသမ ၃ သန်းကျော်၊ သေဆုံးသူ ၁ ဒသမ ၁ သန်းကျော်နဲ့ ရောဂါသက်သာပျောက်ကင်းသူ ၃၀ ဒသမ ၁ သန်းကျော် ရှိနေပြီ ဖြစ်ပါတယ်။