သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေ ပုဒ်မ ၂၅ နဲ့ တရားစွဲခံထားရတဲ့ Music Zone KTV ဆိုင်ပိုင်ရှင်နဲ့ မန်နေဂျာတို့ကို အောက်တိုဘာ ၅ ရက် မနက်ပိုင်းက ရန်ကုန်၊ သင်္ဃန်းကျွန်းမြို့နယ်တရားရုံးမှာ ချုပ်ရက် ရမန်ယူခဲ့ပါတယ်။

Music Zone KTV ဆိုင်ပိုင်ရှင် ဦးဇော်မင်းနဲ့ ဆိုင်မန်နေဂျာဦးမိုးဇော်တို့ကို သင်္ဃန်းကျွန်းမြို့နယ်  ကိုဗစ်-၁၉ အရေးပေါ်တုံ့ပြန်ရေးကော်မတီ အတွင်းရေးမှူးက တရားလိုပြုလုပ် တရားစွဲဆိုထားဖြစ်ပါတယ်။

ဒီအမှုနဲ့ ပတ်သက်ပြီး   ရုံးချိန်းကိုတော့  အောက်တိုဘာ ၁၆ ရက်နေ့  ပြန်လည်ချိန်းဆိုထားတယ်လို့ သင်္ဃန်းကျွန်းမြို့နယ်အထွေထွေအုပ်ချုပ်ရေးမှူး ဦးအောင်ထိုက်က ပြောပါတယ်။

Music Zone KTV နဲ့စပ်ဆက်ပြီး ပြည်တွင်းမှာ လူပေါင်း ၉၀ ကျော်လောက် ကိုဗစ်-၁၉ ရောဂါကူးစက်ခံရတာဖြစ်ပြီး  စားသောက်ဆိုင်ပိုင်ရှင်နဲ့ မန်နေဂျာတို့ဟာ  အောက်တိုဘာ ၃ ရက်က သင်္ဃန်းကျွန်းမြို့နယ်ရဲစခန်းမှာ လာရောက်အဖမ်းခံခဲ့တာပါ။

သတင်း- ချမ်းမြေ့မောင်

ဓာတ်ပုံ- Music Zone