ဥရောပ ကွန်းဖရန့်လိဂ်ပွဲစဉ်မှာ အင်္ဂလန်ကလပ် ဘရိုက်တန်အသင်းက ချက်ကလပ် ယာဘလိုးနစ် အသင်းနဲ့ ဂိုးမရှိ သရေကျခဲ့တာကြောင့် နည်းပြ ဖေဘီယန် ဟာဇလာအတွက် နည်းပြသက်တမ်း ပွဲ ၁၀၀ ပြည့်မှာ အနိုင်မရရှိခဲ့ကြောင်း BBC အားကစားသတင်းက ဖော်ပြပါတယ်။

ဘရိုက်တန်အသင်းဟာ ပြီးခဲ့တဲ့ ပရိးမီးယားလိဂ်ပွဲမှာ ခရစ္စတယ်ပဲလေ့စ်ကို ၅ ဂိုး - ဂိုး မရှိနဲ့ အနိုင်ရရှိခဲ့တဲ့ လူစာရင်းက ကစားသမား ၈ ယောက်အထိ ပြောင်းလဲကစားခဲ့ရာ ပွဲကို စိုးမိုးထား နိုင်ခဲ့ပေမဲ့ ဂိုးရဖို့ ရုန်းကန်ခဲ့ရတာ ဖြစ်ပါတယ်။

အိမ်ရှင် ယာဘလိုးနစ်အသင်းရဲ့ တိုက်စစ်ကို ဘရိုက်တန်ဂိုးသမား ဗာဘရူဂန်က ထိထိရောက်ရောက် ကာကွယ်နိုင်ခဲ့လို့ အသင်းအတွက် ၅ ပွဲဆက်တိုက် ပေးဂိုးမရှိဘဲ ပြီးဆုံးခဲ့တာ ဖြစ်ပါတယ်။

Photo:Reuters