စက်တင်ဘာ ၁၉ ရက်နေ့အတွက် ဓာတ်ခွဲနမူနာ ၂,၁၆၆ ခုအား ပထမသုတ် စစ်ဆေးချက်အရ ကိုဗစ်-၁၉ အတည်ပြုလူနာသစ် ၂၄၉ ဦး ထပ်မံတွေ့ရှိပြီး စုစုပေါင်း လူနာ ၄,၈၇၀ ရှိပြီလို့ ကျန်းမာရေးနဲ့ အားကစားဝန်ကြီးဌာနက ဒီနေ့ည ၈ နာရီ ထုတ်ပြန်ပါတယ်။
အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က ၈၁၅ ခု၊ ဆေးသုတေသနဦးစီးဌာန က ၂၃၆ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး) က ၅၂၁ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်) က အခု ၂၄၀၊ စစ်တွေမြို့ ပြည်သူ့ဆေးရုံကြီးက ၆၄ ခု၊ ကျောက်ဖြူမြို့ ပြည်သူ့ဆေးရုံကြီးက ၈ ခု၊ ဗန်းမော်မြို့ ပြည်သူ့ဆေးရုံကြီးက အခု ၂၀၊ မူဆယ်မြို့ ပြည်သူ့ဆေးရုံကြီးက ၃ ခု၊ နေပြည်တော် ပြည်သူ့ဆေးရုံကြီး ခုတင် ၁၀၀၀ က ၁၈ ခုနဲ့ နေပြည်တော် အမှတ် ၂ တပ်မတော်ဆေးရုံကြီး ခုတင် ၁၀၀၀ က ၂၃၀ ခု၊ စုစုပေါင်း ၂,၁၆၆ ခုအား ဒီနေ့က စစ်ဆေးပြီးစီးခဲ့ပြီး လူနာသစ် ၂၄၉ ဦး တွေ့ရှိခဲ့တာပါ။
မြန်မာနိုင်ငံမှာ ဒီနေ့ည ၈ နာရီအထိ ကိုဗစ်-၁၉ အတည်ပြုလူနာ ၄,၈၇၀၊ သေဆုံးသူ ၈၁ ဦး၊ ဆေးရုံမှဆင်းခွင့်ပြုခဲ့ပြီးသူ ဓာတ်ခွဲအတည်ပြု လူနာဟောင်း ၁,၁၈၈ ဦးနဲ့ စောင့်ကြည့်လူနာအသစ် ၃၂၈ ဦးရှိတယ်လို့ ကျန်းမာရေးဝန်ကြီးဌာနက ထုတ်ပြန်ထားပါတယ်။
ကမ္ဘာတဝန်းမှာတော့ ဒီနေ့ညအထိ ကိုဗစ်-၁၉ အတည်ပြုလူနာ ၃၀ ဒသ ၇ သန်းကျော်၊ သေဆုံးသူ ၉ သိန်း ၅ သောင်းကျော်နဲ့ ရောဂါသက်သာပျောက်ကင်းသူ ၂၂ ဒသမ ၃ သန်းကျော်ရှိတယ်လို့ သိရပါတယ်။
