ဟောင်ကောင် အထူးအုပ်ချုပ်ရေးဒေသမှာရှိတဲ့ တက္ကစီယာဉ်မောင်းအားလုံးဟာ ဧပြီ ၁ ရက်ကစပြီး အီလက်ထရွန်းနစ် ငွေပေးချေမှုနည်းလမ်း အနည်းဆုံး ၂ ခုကို ပေးဆောင်ရမှာဖြစ်ပြီး ငွေသားငွေပေး ချေမှုတွေကို ဆက်လက်ခံရမယ်လို့ အစိုးရရဲ့ သယ်ယူပို့ဆောင်ရေးဌာနက တနင်္ဂနွေနေ့မှာ ကြေညာ ပါတယ်။

ကားပေါ် မတက်မီ ခရီးသည်တွေဟာ ပြတင်းပေါက်က စတစ်ကာတွေကို စစ်ဆေးနိုင်သလို ရနိုင်တဲ့ အီလက်ထရွန်းနစ်ငွေပေးချေမှု ရွေးချယ်စရာတွေအကြောင်း ယာဉ်မောင်းကိုလည်း မေးမြန်းနိုင် ပါတယ်။

ဌာနရဲ့ ကြေညာချက်တရပ်မှာ တက္ကစီယာဉ်မောင်းအားလုံးဟာ နောက်လကစပြီး အီလက်ထရွန်းနစ် ငွေပေးချေမှုနည်းလမ်း အနည်းဆုံး ၂ မျိုးကို ပံ့ပိုးပေးဖို့ လိုတယ်လို့ ပြောပါတယ်။

နည်းလမ်းတွေထဲမှာ AlipayHK၊ WeChat Pay HK ဒါမှမဟုတ် BoC Pay တို့လို QR ကုဒ် အီလက်ထရွန်းနစ်ငွေပေးချေမှု နည်းလမ်းတခုနဲ့ Octopus ကတ်တွေ၊ ခရက်ဒစ်ကတ်တွေနဲ့ Faster Payment System တို့လို QR ကုဒ်မဟုတ်တဲ့ အီလက်ထရွန်းနစ်ငွေပေးချေမှုနည်းလမ်း တခု ပါဝင်ပါတယ်။

Source: Reuters