ဒီနေ့ ဓာတ်ခွဲနမူနာ ၁၀၀၀ ကျော်ကို ပထမအသုတ် စစ်ဆေးရာမှာ ကိုဗစ်-၁၉ ပိုးတွေ့လူနာသစ်မရှိဘူးလို့ ကျန်းမာရေးနဲ့ အားကစားဝန်ကြီးဌာနက အခုည ထုတ်ပြန်ပါတယ်။
အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) မှာ ဓာတ်ခွဲနမူနာ အခု ၃၈၀၊ ဆေးသုတေသနဦးစီးဌာနမှာ ၁၂၈ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး)မှာ ၇၆ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်)မှာ ၂၅၆ ခုနဲ့ ရန်ကုန်မြို့၊ အမှတ် (၁) တပ်မတော်ဆေးရုံကြီး ခုတင် ၁,၀၀၀ မှာ ၁၈၂ ခု ကို ဓာတ်ခွဲစစ်ဆေးခဲ့တာပါ။
ဒါကြောင့် ဒီနေ့ည ၈ နာရီအထိ မြန်မာနိုင်ငံမှာ ကိုဗစ်-၁၉ အတည်ပြုလူနာ ၃၄၁ ယောက်ရှိပြီး ဒီနေ့ နေ့လယ်ပိုင်းအထိ စောင့်ကြည့်လူနာသစ် ၂၂ ယောက်ရှိပါတယ်။
ဒီနေ့မှာတော့ အတည်ပြုလူနာဟောင်းတွေရဲ့ ဓာတ်ခွဲနမူနာစစ်ဆေးတာမှာ ၂ ကြိမ်ဆက် ပိုးမတွေ့သူ ၂ ယောက်ရှိတာကြောင့် ရောဂါပိုးကင်းစင်လာသူ ၂၇၈ ယောက်ရှိပြီး ၂၆၅ ယောက်ကိုတော့ ဆေးရုံကနေ ဆင်းခွင့်ပြုထားပါတယ်။
ကမ္ဘာတဝန်းမှာတော့ ဒီနေ့ ညပိုင်းအထိ ပိုးတွေ့လူနာပေါင်း ၁၄၇ သိန်းလောက်ရှိပြီး သေဆုံးသူ ၆၀၉,၆၁၉ ယောက် ရှိပြီလို့ သိရပါတယ်။
