ဇွန် ၂၉ ရက်နေ့အတွက် ဓာတ်ခွဲနမူနာ ၁,၇၄၁ ခုအား နှစ်သုတ်ခွဲစစ်ဆေးချက်အရ ကိုဗစ်-၁၉ အတည်ပြုလူနာသစ် မတွေ့ရှိဘူးလို့ ကျန်းမာရေးနှင့်အားကစားဝန်ကြီးဌာနက ထုတ်ပြန်ပါတယ်။
အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က ဓာတ်ခွဲနမူနာ ၈၈၈ ခု၊ ဆေးသုတေသနဦးစီးဌာနက ၂၇၅ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး) က ၁၆၆ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်) က ၉၄ ခုနဲ့ ရန်ကုန်မြို့၊ အမှတ် (၁) တပ်မတော်ဆေးရုံကြီး ခုတင် (၁၀၀၀) က ၃၁၈ ခု၊ စုစုပေါင်း ဓာတ်ခွဲနမူနာ ၁,၇၄၁ ခုကို စစ်ဆေးခဲ့တာပါ။
မြန်မာနိုင်ငံမှာ ဒီနေ့မနက် ၈ နာရီအထိ ကိုဗစ်-၁၉ အတည်ပြုလူနာ ၂၉၉ ဦး၊ သေဆုံးသူ ၆ ဦး၊ စောင့်ကြည့်လူနာအသစ် ၂၆ ဦး၊ လူနာဟောင်းတွေထဲက လူနာအမှတ် ၁၈၂,၂၀၀ နဲ့ ၂၀၁ တို့မှာ နှစ်ကြိမ်ဆက် ပိုးမတွေ့ရှိတာကြောင့် ရောဂါပိုးကင်းစင်လာ ၂၂၁ ဦး၊ အဲဒီထဲက ၂၁၁ ဦး ဆေးရုံမှ ဆင်းခွင့်ပြုခဲ့ပြီး သတ်မှတ်နေရာတွေမှာ အသွားအလာ ဆက်လက်ကန့်သတ် စောင့်ကြည့်ထားတယ်လို့ ဆိုပါတယ်။
ကမ္ဘာတဝန်းမှာတော့ ဒီနေ့မနက်ပိုင်းအထိ ကိုဗစ်-၁၉ အတည်ပြုလူနာ ၁၀ သန်းကျော်နဲ့ သေဆုံးသူ ၅ သိန်းကျော်ရှိပြီလို့ သိရပါတယ်။
Photo- Theingi-WinMyat
