ချဲလ်ဆီးအသင်းရဲ့ တိုက်စစ်မှူး ကိုးလ်ပါမာဟာ ကျပ်တည်းလွန်းတဲ့ ပွဲစဉ်ဇယားရဲ့ သားကောင် ဖြစ်ခဲ့ရတယ်လို့ အင်္ဂလန်ကြေးစားဘောလုံးသမားများအသင်း ဥက္ကဋ္ဌ မာဟီတာမိုလန်ဂိုက ပြောဆိုလိုက်ပါတယ်။

ချဲလ်ဆီးအသင်းရဲ့ တိုက်စစ်မှူး ကိုးလ်ပါမာဟာ  နိုင်ငံတကာရက်သတ္တပတ်မှာ အင်္ဂလန်လက်ရွေးစင် အသင်းကနေ နုတ်ထွက်ခဲ့သူပါ။

နည်းပြ တူချဲလ်ရဲ့ အင်္ဂလန်အသင်းကနေ ကိုးလ်ပါမာအပြင် တခြားကစားသမား ၄ ယောက်ပါ နုတ်ထွက်ခဲ့တာပါ။

ဥက္ကဋ္ဌ မိုလန်ဂိုကတော့ ကစားသမားတွေဟာ နိုင်ငံအသင်းအတွက် ကစားချင်ပေမဲ့ ခန္ဓာကိုယ်ရဲ့ အကန့်အသတ်ကို လွန်ဆန်လို့မရကြောင်း ပြောသွားခဲ့ပါတယ်။ ဒါ့အပြင် နွေရာသီမှာ ၃ ပတ်ကြာ မဖြစ်မနေ အနားပေးဖို့လည်း သူက တောင်းဆိုထားပါတယ်။