ရန်ကုန်တိုင်း၊ ဗိုလ်တထောင်မြို့နယ်အတွင်း COVID-19 ကာကွယ်ရေးအတွက် ကာကွယ်ဆေးဖျန်းတာတွေကို မေလ ၁ ရက်နေ့က ပြုလုပ်ခဲ့ပါတယ်။
မြန်မာနိုင်ငံ မီးသတ်တပ်ဖွဲ့ဌာနချုပ်နဲ့ ရန်ကုန်တိုင်းအတွင်းရှိ မီးသတ်စခန်းများမှ ရေသယ်ယာဉ်များ၊ LUF-60(Robotic Fire Fighting Vehicle) ယာဉ်(၁)စီး၊ LUF – Micro (Robotic Fire Fighting Vehicle) ယာဉ် ၁ စီး၊ အဆင့်မြင့်မီးငြှိမ်းသတ်ယာဉ် ၂ စီး၊ ယာဉ်ထိန်းရဲတပ်ဖွဲ့မှ ရှေ့ပြေးဆိုင်ကယ် ၂ စီး၊ ရန်ကုန်တိုင်းအတွင်းရှိ မိုးစေတနာပရဟိတအသင်း၊ နာရေးကူညီမှု (ရန်ကုန်) နဲ့ မေတ္တာညွန့်ပရဟိတအသင်းတွေက ရေသယ်ယာဉ် ၁ စီး၊ ဆေးဖျန်းယာဉ် ၃ စီးနဲ့ သန္ဓေမီးသတ်တပ်ဖွဲ့ဝင်တွေ၊ အရန်မီးသတ်တပ်ဖွဲ့ဝင်တွေ၊ ပရဟိတအဖွဲ့ဝင်တွေ ပူးပေါင်းပြီး ဆေးဖျန်းခဲ့ကြပါတယ်။
ရန်ကုန်တိုင်းအတွင်း ကိုဗစ်ရောဂါကူးစက်ခံထားရသည့် ဓာတ်ခွဲအတည်ပြုလူနာ ၁၁၈ ဦးရှိပြီး ဗိုလ်တစ်ထောင်မြို့နယ်မှာ ရောဂါကူးစက်ခံရတဲ့ လူနာ ၅ ဦးရှိတယ်လို့ သိရပါတယ်။
ကျန်းမာရေးနှင့်အားကစားဝန်ကြီးဌာန၏ မေ ၁ ရက် ည၈နာရီ သတင်းထုတ်ပြန်ချက်အရ မြန်မာနိုင်ငံတွင် ကိုဗစ် ရောဂါ ကူးစက်ခံထားရသည့် ဓာတ်ခွဲအတည်ပြုလူနာ ၁၅၁ ဦးရှိပြီး ၎င်းတို့အနက် ခြောက်ဦးမှာ သေဆုံးခဲ့ကာ ၃၁ ဦး မှာ ဓာတ်ခွဲစစ်ဆေးချက်အရ နှစ်ကြိမ်ဆက်တိုက် ရောဂါပိုးမတွေ့ရှိတော့ကြောင်း စစ်ဆေးတွေ့ရှိခဲ့သဖြင့် ဆေးရုံဆင်းခွင့်ရရှိခဲ့ပါတယ်။
Photo - JPaing / MPA
