ရန်ကုန်တိုင်းဒေသကြီးမှာ COVID-19 အတည်ပြုလူနာသစ်  ၃ ဦးထပ်မံ စစ်ဆေးတွေ့ရှိတယ်လို့ ကျန်းမာရေးနဲ့ အားကစားဝန်ကြီးဌာနက ဒီကနေ့ ည ၈ နာရီက ထုတ်ပြန်ပါတယ်။

လူနာသစ် ၃ ဦးကတော့  တာမွေမြို့နယ်က အသက် ၄၃ နှစ်အရွယ် အမျိုးသား ၁ ဦး၊ တောင်ဥက္ကလာပမြို့နယ်က အသက် ၁၉ နှစ်အရွယ် အမျိုးသား ၁ ဦးနဲ့ အသက် ၁၅ နှစ်အရွယ် အမျိုးသား တဦးတို့ဖြစ်ပါတယ်။ 

အဆိုပါ လူနာသစ် ၃ ဦးဟာ အတည်ပြုလူနာတွေနဲ့ ထိတွေ့မှုရှိခဲ့တွေဖြစ်ပြီး အသွားအလာ ကန့်သတ်စောင့်ကြည့်ထားသူတွေလည်းဖြစ်ပါတယ်။

အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က ပထမအသုတ် အဖြစ် စစ်ဆေးပြီးစီးခဲ့တဲ့ ဓာတ်ခွဲနမူနာနဲ့ ဆေးသုတေသနဦးစီးဌာန (DMR) မှ ဓာတ်ခွဲစစ်ဆေးပြီးစီးခဲ့တဲ့ ဓာတ်ခွဲနမူနာပေါင်း ၁၄၅ ခုအနက် ၃ ဦးမှာ  COVID-19 ရောဂါပိုးတွေ့ရှိခဲ့တာဖြစ်ပါတယ်။

ဧပြီ ၂၈ ရက် ည ၈ နာရီအထိ   မြန်မာနိုင်ငံတဝန်းမှာ ဓာတ်ခွဲအတည်ပြုလူနာ  စုစုပေါင်း ၁၄၉ ဦး၊ ရောဂါပိုးကင်းစင်သူ  ၁၆ ဦးနဲ့  သေဆုံးသူ  ၅  ဦးရှိပါတယ်။

Photo-MOHS