ကိုရိုနာဗိုင်းရပ်စ်ကာလအတွင်းမှာ အသင်းသားတွေရဲ့ လုပ်ခ ၁၂ ဒသမ ၅ ရာခိုင်နှုန်း ဖြတ်တောက်ခံဖို့ အာဆင်နယ်နည်းပြအဖွဲ့နဲ့ ကစာသမားတွေက သဘောတူလိုက်ပါတယ်။
အင်္ဂလန်မှာ ကိုရိုနာဗိုင်းရပ်စ်ရောဂါကြောင့် ဘောလုံးပွဲတွေကို နားထားရပြီး လက်ရှိအချိန်အထိ ပြန်လည်ကျင်းပနိုင်ခြင်း မရှိသေးတာပါ။ ဒီအတောအတွင်းမှာ နည်းပြအဖွဲ့တွေနဲ့ ကစားသမားတွေရဲ့ လုပ်ခထဲကနေ ၁၂ ဒသမ ၅ ရာခိုင်နှုန်းကို အသင်းက ဖြတ်တောက်သွားမှာ ဖြစ်ပါတယ်။
အာဆင်နယ်အသင်းသားတွေအနေနဲ့ လက်ကျန်ပွဲစဉ်တွေမှာ ရလဒ်ကောင်းတခု ရယူနိုင်ခဲ့မယ် ဆိုရင်တော့ ဆုကြေးတွေ ပေးအပ်ချီးမြှင့်ဖို့လည်း သဘောတူညီခဲ့တယ်လို့ အာဆင်နယ်အသင်းက တရားဝင် သတင်းထုတ်ပြန်ခဲ့ပါတယ်။
အာဆင်နယ်အသင်းမှာ ကွင်းလယ်လူ အိုဇေးလ်က တပတ်လုပ်ခ ပေါင် ၃ သိန်းခွဲနဲ့ အများဆုံး ရရှိနေပြီး ဒုတိယအများဆုံးရရှိနေတဲ့ တိုက်စစ်မှူးအူဘာမီယန်းက တပတ်လုပ်ခ ပေါင် ၂ သိန်းပဲရှိတာ ဖြစ်ပါတယ်။
