ကိုရိုနာဗိုင်းရပ်စ်COVID-19 ကြောင့် နှစ်စဉ် ကျင်းပတဲ့ တောင်ကြီးမြို့က မိုးကုတ်ဝိပဿနာ တရားစခန်းကို ဧပြီလကုန်ထိ ပိတ်လိုက်ပြီဖြစ်တယ်လို့ တာဝန်ရှိသူတွေက ပြောပါတယ်။
မိုးကုတ်ဝိပဿနာ တရားစခန်းဟာ နှစ်စဉ်တရားစခန်း ၁၀ ကြိမ် ပြုလုပ်ဖို့ ပြင်ဆင်ထား ပေမယ့် အခုနှစ်မှာတော့ တစ်ကြိမ်သာပြုလုပ်နိုင်ခဲ့တယ်လို့ တောင်ကြီး မိုးကုတ်ဝိပဿနာ တရားစဉ်ပြန့်ပွားရေးအဖွဲ့ အတွင်းရေးမှူးက ပြောပါတယ်။
မိုးကုတ်ဝိပဿနာတရားစခန်းဟာ တောင်ကြီးမြို့မှာအကြီးဆုံး တရားစခန်းဖြစ်ပြီး တရားစခန်းတစ်ကြိမ်မှာ ယောဂီအနည်း ဆုံး ၈၀၀ ကျော်လောက်ရှိတယ်လို့သိရပါတယ်။
တရားစခန်းပြန်လည်ဖွင့်တဲ့အချိန်ကျရင် အများပြည်သူတွေသိအောင် အကြောင်းပြီး လုပ်ဆောင်သွားမယ်လို့ တာဝန်ရှိသူတွေက ပြောပါတယ်။
မိုးကုတ်ဝိပဿနာ တရားစခန်းကျင်းပလာတာ နှစ်ပေါင်း ၄၀ ရှိပြီဖြစ်ပြီး တစ်ခါမှရပ်နားခြင်း ပိတ်သိမ်းခြင်းမရှိခဲ့ပဲ ကျင်းပလာခဲ့တာဖြစ်ကာ အခုနှစ်မှာတော့ ကိုရိုနာဗိုင်းရပ် ပြဿနာကြောင့် ရပ်နားလိုက်တာလည်းဖြစ်ပါတယ်။
