မန်ချက်စတာယူနိုက်တက်အသင်းဟာ လာမဲ့ ၂ နှစ်အတွင်း ပရီးမီးယားလိဂ်ချန်ပီယံဆု ရယူနိုင်မဲ့ အနေအထားမှာ ရှိနေတယ်လို့ အသင်းရဲ့ အမှုဆောင်အရာရှိချုပ် အိုမာဘာရာဒါက ပြောကြောင်း Sky Sports အားကစားသတင်းမှာ ဖော်ပြပါတယ်။

၂၀၂၅-၂၆ ရာသီမှာ အမှတ်ပေးဇယား အဆင့် ၃ နေရာနဲ့ ချန်ပီယံလိဂ်ဝင်ခွင့် ရခဲ့ပြီးနောက် အသင်းရဲ့ တိုးတက်မှုကို ဆက်လက်တည်ဆောက်သွားမယ်လို့ သူက ဆိုပါတယ်။

ဒါ့အပြင် လာမဲ့နွေရာသီ အပြောင်းအရွှေ့မှာလည်း ပြီးခဲ့တဲ့နှစ်ကလိုပဲ တိကျတဲ့ အစီအစဉ်တွေနဲ့ ချဉ်းကပ်သွားမယ်လို့ ဘာရာဒါက ပြောပါတယ်။

ပြီးခဲ့တဲ့ရာသီက မန်ယူဟာ ပေါင် သန်း ၁၇၀ ကျော် သုံးပြီး ကစားသမား ၄ ယောက် ခေါ်ယူခဲ့တာပါ။ အခုနှစ်မှာလည်း လူငယ်ကစားသမားတွေ၊ ပရီးမီးယားလိဂ် အတွေ့အကြုံရှိသူတွေနဲ့ ခြေစွမ်းပြနေသူတွေကို ရေတိုရေရှည်အတွက် စနစ်တကျ ရင်းနှီးမြှုပ်နှံသွားမယ်လို့ သူက ထပ်လောင်းပြောဆိုထားပါတယ်။