ရီးရဲလ်မက်ဒရစ်အသင်းဟာ အိုင်ဗရီကို့စ်လက်ရွေးစင် တောင်ပံကစားသမား ယာန် ဒီယိုမန်ဒီကို RB လိုက်ပ်ဇစ်ကနေ ခေါ်ယူလိုက်ပါတယ်။

ဒီခေါ်ယူမှုအတွက် ပြောင်းရွှေ့ကြေး ပေါင် သန်း ၁၂၀ (ယူရို သန်း ၁၄၀) အထိ ကုန်ကျနိုင်တာပါ။ 

ဒီယိုမန်ဒီဟာ သမိုင်းတလျှောက် စတုတ္ထမြောက် ပြောင်းရွှေ့ကြေးအများဆုံး ကစားသမား ဖြစ်လာနိုင်ပါတယ်။

ဒါ့အပြင် အာဖရိက ကစားသမားတွေထဲမှာတော့ ပြောင်းရွှေ့ကြေးအမြင့်ဆုံး စံချိန်တင်လိုက်တာပါ။

အသက် ၁၉ နှစ်အရွယ် ဒီယိုမန်ဒီဟာ ရီးရဲလ်မက်ဒရစ်နဲ့ ၇ နှစ်စာချုပ် ချုပ်ဆိုခဲ့တာပါ။ သူဟာ ၂၀၂၅-၂၆ ဘွန်ဒက်စ်လီဂါရဲ့ တရာသီ အကောင်းဆုံးလူငယ်ကစားသမားဆုကို ရရှိထားပါတယ်။

ရီးရဲလ်ကို ပြောင်းရွှေ့ရတာဟာ ကလေးဘဝအိပ်မက်တခု တကယ်ဖြစ်လာတာလို့ ဒီယိုမန်ဒီက ပြောပါတယ်။

PSG နဲ့ လီဗာပူးတို့ကလည်း ဒီယိုမန်ဒီကို ခေါ်ယူဖို့ ကြိုးစားခဲ့ပေမဲ့ သူတို့ရဲ့ ကမ်းလှမ်းမှုတွေ ပယ်ချခံခဲ့ရပါတယ်။