ပြင်သစ်အသင်း ကမ္ဘာ့ဖလား ဗိုလ်စွဲမည်ဟု စူပါကွန်ပျူတာ ခန့်မှန်း
DVB
·
July 9, 2026
ကမ္ဘာ့ဖလား ၁၆ သင်းအဆင့် ပြီးဆုံးသွားချိန်မှာ Opta စူပါကွန်ပျူတာက ဗိုလ်စွဲနိုင်ခြေရှိတဲ့ အသင်းတွေကို ခန့်မှန်းချက် ထုတ်ပြန်လိုက်ပါတယ်။
ဒီခန့်မှန်းချက်အရ ၂၀၁၈ ကမ္ဘာ့ဖလားချန်ပီယံ ပြင်သစ်အသင်းက ၂၇ ဒသမ ၃ ရာခိုင်နှုန်းနဲ့ ဗိုလ်စွဲဖို့ ရေပန်းအစားဆုံး ဖြစ်ပါတယ်။ စပိန်က ၂၁ ဒသမ ၃ ရာခိုင်နှုန်းနဲ့ ဒုတိယနေရာမှာ ရှိနေတာပါ။
လက်ရှိ ကမ္ဘာ့ဖလားချန်ပီယံ အာဂျင်တီးနားကတော့ ၁၇ ဒသမ ၃ ရာခိုင်နှုန်းနဲ့ တတိယနေရာမှာ ရှိပြီး အင်္ဂလန်က ၁၆ ဒသမ ၅ ရာခိုင်နှုန်းနဲ့ စတုတ္ထနေရာမှာ ရှိနေပါတယ်။
ပြင်သစ်အသင်းအတွက် တိုက်စစ်မှူး ကီလီယန် အမ်ဘာပေက ဒီပြိုင်ပွဲမှာ ၇ ဂိုး သွင်းယူထားပြီး ခြေစွမ်းပြနေတာပါ။
အာဂျင်တီးနားအတွက်လည်း လီယွန်နယ် မက်ဆီက သူ့ရဲ့ နောက်ဆုံး ကမ္ဘာ့ဖလားမှာ ၅ ပွဲကနေ ၈ ဂိုး သွင်းယူထားပါတယ်။ စပိန်အသင်းကတော့ ဒီပြိုင်ပွဲမှာ ဂိုးမပေးရသေးတဲ့ တသင်းတည်းသော အသင်း ဖြစ်ပါတယ်။
Live
