အိန္ဒိယနိုင်ငံ အရှေ့မြောက်ပိုင်း အာရုနာချယ်ပရာဒေ့ရှ်ပြည်နယ်မှာ မိုးသည်းထန်စွာ ရွာသွန်းခဲ့မှုကြောင့် ဇွန် ၂၉ ရက်က အိမ်နီးနားချင်း အာသံပြည်နယ်ထဲက ကျေးရွာတွေမှာ ရေကြီးရေလျှံပြီဂ အနည်းဆုံး လူ ၁ ဦး သေဆုံး၊ ၄ ယောက် ပျောက်ဆုံးနေပါတယ်။
အာရုနာချယ် ပရာဒက်ရှ်ပြည်နယ်ထဲက မိုးသည်းထန်မှုကြောင့် ရုတ်တရက် ရေကြီးတာတွေ ဖြစ်ပွားခဲ့ပြီး အာသံပြည်နယ်ထဲက ဂျိုနိုင်းရွာ အပါအဝင် အိန္ဒိယအရှေ့မြောက်ပိုင်း ဒေသအသီးသီးကို ရေတွေ စီးဝင်လာခဲ့တာပါ။
အာရုနာချယ် ပရာဒက်ရှ်ပြည်နယ်၊ ကယ်ယီပန်ညော ခရိုင်ထဲက ရေကြီးမှုကြောင့် လူတယောက် သေဆုံးခဲ့ပြီး အနည်းဆုံး ၄ ယောက် ပျောက်ဆုံးနေဆဲလို့ ဒေသတွင်း မီဒီယာတွေက ဖော်ပြပါတယ်။
ဒေသခံရွာသားတယောက်က “တနင်္ဂနွေနေ့ ညပိုင်းကတည်းက အာရုနာချယ် ပရာဒက်ရှ်ဘက်မှာ မိုးတွေ အသည်းအသန် ရွာလို့ ဒီမှာ ရေကြီးကုန်တာ။ တစ်ရွာလုံးလည်း ရေနစ်မြုပ်ပြီး ဒုက္ခရောက်ကုန်ကြပြီ” လို့ ပြောပါတယ်။
အိန္ဒိယအရှေ့မြောက်ပိုင်းဒေသဟာ မိုးသည်းထန်စွာ ရွာသွန်းလေ့ရှိပြီး မြေပြိုတာနဲ့ ရုတ်တရက် ရေကြီးတာတွေကြောင့် နှစ်စဉ်နှစ်တိုင်း လူသန်းပေါင်းများစွာကို ထိခိုက်ခံစားရလေ့ ရှိပါတယ်။
