မေ ၃၀ ရက်မှာ ကစားမဲ့ အာဆင်နယ်နဲ့ PSG အသင်းတို့ရဲ့ ချန်ပီယံလိဂ်ဗိုလ်လုပွဲကို ပရိသတ်တွေ အခမဲ့ကြည့်ရှုခွင့်ရဖို့ ဗြိတိန်ဝန်ကြီးချုပ် ကီယာစတာမာက ထုတ်လွှင့်ခွင့်ရ TNT Sports ကို တောင်းဆိုလိုက်ပါတယ်။ 

အာဆင်နယ် ပရိသတ်ဖြစ်တဲ့ ဝန်ကြီးချုပ် စတာမာက ဘောလုံးဟာ လူတွေကို စုစည်းပေးရမှာ ဖြစ်ပြီး ပိတ်ပင်တာမျိုး မလုပ်သင့်ကြောင်းနဲ့ သမိုင်းဝင်ပွဲစဉ်ကို ကြည့်ဖို့ ပရိသတ်တွေ အပိုအကြေးငွေ မပေးသင့်ကြောင်း လူမှုကွန်ရက်ကနေ ထောက်ပြခဲ့ပါတယ်။ 

TNT ဘက်ကတော့ ဗိုလ်လုပွဲတွေကို ပေါင် ၄ ဒသမ ၉၉ လစဉ်ကြေးနဲ့ ကြည့်ရှုနိုင်တာဟာ ပရိသတ်တွေအတွက် သင့်တင့်လျောက်ပတ်တဲ့ တန်ဖိုးတစ်ခု ဖြစ်တယ်လို့ ပြန်လည်တုံ့ပြန်ထားပါတယ်။