၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မမီးမီးဟာ သြဂုတ် ၁၃ ရက် ဒီကနေ့ ဧရာဝတီတိုင်းဒေသကြီး ကျောင်းကုန်းမြို့နယ်မှာ ကားမတော်တဆဖြစ်ပြီး ကွယ်လွန်သွားပါတယ်။

မနီလာသိန်းနဲ့ မမီးမီး တို့အပါအဝင် အဖွဲ့သား ၄ ယောက် လုိုက်ပါလာတဲ့ ကားဟာ ကျောင်းကုန်းမြို့နယ်မှာ ဒီကနေ့ တိမ်းမှောက်မှုဖြစ်ပွားခဲ့ရာမှာ မမီးမီးဟာ အရေးပေါ် ဆေးရုံတင် ဆေးကုသမှု ခံယူရင်း ဆေးရုံမှာ ကွယ်လွန်သွားတာလို့ ပြည်သူ့ပါတီ ဗဟိုကော်မတီဝင် ကိုကျော်လင်းက ပြောပါတယ်။

“ကိုဂျင်မီနဲ့ အဆက်အသွယ်ရတယ်။ မမီးမီးက ပထမ လက်ကျိုးတယ်လို့ သိရတယ်။ နောက်တော့ အဆုတ်ထဲကို သွေးဝင်ပြီး ပုသိမ်ဆေးရုံကို ပို့ဖို့လုပ်ရင်း ဆုံးသွားတာ။ ကိုဇော်ဝင်းမောင်နဲ့ မခက်လည်း ဒဏ်ရာ ပြင်းတယ်လို့ သိရတယ်။ အခုတော့ ဘော်ဒီကို ရန်ကုန်သယ်ဖို့ လုပ်နေပါပြီ” လို့ ပြောပါတယ်။

ကျန်သူတွေကတော့ အသက်အန္တရယ်မရှိဘူးလို့ သိရပါတယ်။