ကချင်ပြည်နယ်၊ ဖားကန့်မြို့နယ်မှာ မဇူလိုင် ၁၈ ရက်ကစလို့ ​ရေကြီး​ရေလျှံနေတဲ့အပြင် ​မြေပြိုကျတာတွေ ဖြစ်​နေတယ်လို့ ​ဒေသခံ​တွေဆီက သိရပါတယ်။

မ​နေ့ညကတည်းက ​ရေတက်လာပြီး နှစ်ထပ်​နေအိမ်​တွေလည်း နစ်မြုပ်​​တော့မဲ့ အ​ခြေအနေ ဖြစ်တယ်လို့ ဆိုပါတယ်။

​​ဒေသခံတ​ယောက်က "တထပ်အိမ်​တွေ​တော့ မြုပ်သွားပြီ။ နှစ်ထပ်အိမ်​တွေက ၁၅ ​ပေ အမြင့် တွေရှိတယ်​လေ။ အဲဒီဟာ​တွေလည်း အကုန်မြုပ်လာတယ်” လို့ DVB ကို​ပြောပါတယ်။

​​မှော်ဝမ်းရပ်ကွက်မှာ​တော့ ​မြေပြိုကျပြီး ​နေအိမ်တွေအပေါ်​​မြေစာ​တွေပိတာရှိသလို ဥရု​ချောင်းတ​လျှောက်၊ ငှက်​ပျော​တော၊ ​အေးမြသာယာ၊ ​မှော်ဝမ်းရပ်ကွက်​တို့မှာ ရေနစ်မြုပ်နေတာပါ။

​​ဒေသခံတ​ယောက်က “မြေပြိုတာကို အခုပဲ လူမှုကူညီကယ်ဆယ်​ရေးအဖွဲ့​တွေ သွား​​ရောက်​နေကြတယ်။ လူထိခိုက်တာ​တော့မရှိဘူး။ ​ရေက​တော့ ဆက်တက်​နေတုန်းပဲ။ ဒီ​ရေက စံချိန်တင်မဲ့ အခြေအ​နေရှိတယ်” လို့ ​ပြောပါတယ်။

​ဒေသခံတချို့ဟာ စာသင်​ကျောင်း​တွေမှာ ​ပြောင်း​ရွှေ့နေကြပြီး နေအိမ်အမြင့်နဲ့ နေထိုင်သူ​တွေက​​​တော့ ​ရေအ​ခြေအ​နေကို ဆက်ပြီး​ စောင့်ကြည့်​နေတယ်လို့ သိရပါတယ်။

ပြီးခဲ့တဲ့လကလည်း ဖားကန့်မှာ ​ရေကြီး​ရေလျှံခဲ့သေးပြီး အနိမ့်ပိုင်းမှာနေထိုင်တဲ့ဒေသခံ​တွေ ​ပြောင်း​ရွှေ့ခဲ့ကြရပါတယ်။