ဂျပန်အသင်းခေါင်းဆောင် ဝါတာရုအန်ဒိုဟာ နယ်သာလန်နဲ့ ကစားရမဲ့ ကမ္ဘာ့ဖလားအဖွင့်ပွဲစဉ် မတိုင်ခင် ၃ ရက်အလိုမှာတင် လက်ရွေးစင်အသင်းကနေ အနားယူလိုက်ကြောင်း ကြေညာပါတယ်။
အသက် ၃၃ နှစ်အရွယ် လီဗာပူးကွင်းလယ်လူဟာ ပြီးခဲ့တဲ့ဖေဖော်ဝါရီလက ရရှိခဲ့တဲ့ ခြေကျင်းဝတ် ဒဏ်ရာကြောင့် အခုလို ဆုံးဖြတ်ခဲ့တာ ဖြစ်ပါတယ်။
အဓိကကစားသမား အန်ဒိုမပါဝင်နိုင်တော့တဲ့အချက်က ဂျပန်အသင်းအတွက် ကြီးမားတဲ့ ထိုးနှက်ချက် ဖြစ်လာနိုင်ပါတယ်။
အန်ဒိုကတော့ ဒဏ်ရာရခဲ့တဲ့နောက်ပိုင်း အကောင်းဆုံးကြိုးစားခဲ့တာကြောင့် နောင်တမရသလို ပရိသတ်တယောက်အနေနဲ့ ဆက်လက်အားပေးသွားမှာပါလို့ လူမှုကွန်ရက်မှာ ရေးသား ထားပါတယ်။
ဂျပန်အသင်းဟာ အန်ဒိုရဲ့နေရာမှာ တိုက်စစ်မှူး ရှူတိုမာချီနိုကို အစားထိုးခေါ်ယူခဲ့ပါတယ်။ ဒါ့အပြင် ဒဏ်ရာပြဿနာတွေကြောင့် နာမည်ကြီးကစားသမားတွေဖြစ်တဲ့ မီတိုမာနဲ့ မီနာမီနိုတို့လည်း ဒီပြိုင်ပွဲ ကို လွဲချော်ဦးမှာ ဖြစ်ပါတယ်။
Photo:Reuters
