မက္ကစီကိုနိုင်ငံ၊ ဂွာဒါလာဂျာရာမြို့မှာ ယှဉ်ပြိုင်ခဲ့တဲ့ ၂၀၂၆ ကမ္ဘာ့ဖလား အုပ်စု (H) ပွဲစဉ်မှာ ဥရုဂွေးအသင်းက စပိန်အသင်းကို ၁ ဂိုး ဂိုးမရှိနဲ့ အရေးနိမ့်ခဲ့ပြီးနောက် ပြိုင်ပွဲကနေ ထွက်ခွာခဲ့ရပြီ ဖြစ်ပါတယ်။ 

ပွဲချိန် ပထမပိုင်းပြီးခါနီးမှာ စပိန်ကစားသမား အလက်စ်ဘီနာ သွင်းယူခဲ့တဲ့ဂိုးဟာ အဆုံးအဖြတ် ဖြစ်ခဲ့တာပါ။ 

ဥရုဂွေး ဂိုးသမား ဖာနန်ဒိုမူစလာရဲ့ အမှားကြောင့် ဂိုးပေးခဲ့ရတာဖြစ်ပြီး ဒုတိယပိုင်းမှာ နည်းပြက  ဂိုးသမားကိုပါ လူစားလဲခဲ့ရပါတယ်။ 

ပွဲအပြီး နာကျင်အချိန်ပိုမှာလည်း ဥရုဂွေးကစားသမား အဂ္ဂစတင်ကာနိုဘီယို အနီကတ်ပြ ထုတ်ပယ် ခံခဲ့ရပါတယ်။ 

စပိန်အသင်းကတော့ ဒီနိုင်ပွဲနဲ့အတူ  အုပ်စုပထမနေရာနဲ့ နောက်တဆင့်ကို တက်ရောက်သွားနိုင်ခဲ့ပြီး ဥရုဂွေးအသင်းကတော့ အုပ်စုအဆင့်နဲ့ပဲ ကျေနပ်ခဲ့ရပါတယ်။ 

ရှုံးထွက် ၃၂ သင်းအဆင့်မှာတော့ စပိန်အသင်းဟာ ဇူလိုင် ၂ ရက်နေ့ လော့စ်အိန်ဂျလိစ်မြို့မှာ သြစတြီးယားအသင်းနဲ့ ယှဉ်ပြိုင်ရမှာဖြစ်ပါတယ်။ 

Photo: Reuters