မြန်မာနိုင်ငံအတွင်းမှာ အကြောင်းအမျိုးမျိုးကြောင့် ပိတ်ထားရတဲ့ စာသင်ကျောင်းတွေ ရှိနေ သေးပေမဲ့ ကျောင်းအပ်နှူန်းကတော့ အရင်နှစ်တွေကထက် တိုးလာတယ်လို့ စစ်အာဏာရှင် သမ္မတ မင်းအောင်လှိုင်က ပြောပါတယ်။
ဇွန် ၉ ရက်က နေပြည်တော်မှာ ပြုလုပ်တဲ့ စစ်အာဏာရှင် အစိုးရအဖွဲ့အစည်းအဝေးမှာ ပြောကြားခဲ့ တာဖြစ်ပြီး လက်ရှိ ၂၀၂၆-၂၇ ပညာသင်နှစ်မှာ ကျောင်းလာရောက်အပ်နှံသူ စုစုပေါင်း ၆ ဒသမ ၇ သန်းကျော်ရှိပြီး ဒါဟာ အရင်နှစ်တွေကထက် ပိုမိုတိုးတက်လာတာလို့ ဆိုပါတယ်။
ဒါ့အပြင် အကြောင်းအမျိုးမျိုးကြောင့် ပိတ်ထားရတဲ့ကျောင်းတွေကိုလည်း အမြန်ဆုံး ပြန်ဖွင့် နိုင်အောင် ဆောင်ရွက်ပြီး ကျောင်းအပ်နှံမှုနှုန်းကို အခုထက် ပိုမိုတိုးလာအောင်လုပ်ရမယ်လို့ လည်း ပြောပါတယ်။
အရင်နှစ်တွေတုန်းက ကျောင်းမတက်ဖြစ်တဲ့သူတွေကို အရည်အချင်းစစ်ဆေးပြီး အတန်းကျော် အပ်နှံ ခွင့်ပြုခဲ့တာကြောင့် အခုနှစ်မှာ အရင်နှစ်တွေထက် ကျောင်းအပ်မှုနှုန်းမြင့်လာတာလို့လည်း ပြည်သူအချို့က ပြောပါတယ်။
