ဒီမိုကရက်တစ်မြန်မာ့အသံ (DVB) သတင်းဌာန၏ အမည်နှင့် အမှတ်တံဆိပ် (Logo) တို့ကို အသုံးပြုကာ သတင်းတုများ ဖြန့်ဝေသည့် ဝက်ဘ်ဆိုက်အတုတခုနှင့် ပတ်သက်ပြီး ပရိသတ်များအား အသိပေးကြေညာအပ်ပါသည်။
အင်တာနက်စာမျက်နှာ myanmarthadin.com အမည်ဖြင့်ဖွင့်လှစ်ထားသည့် ဝက်ဘက်ဆိုက် သည် DVB သတင်းဌာနနှင့် လုံးဝသက်ဆိုင်ခြင်းမရှိသည့် Page အတု ဖြစ်ပါ သည်။
လိမ်လည်ထားမှုပုံစံအရ DVB ၏ အမည်၊ Logo နှင့် အချက်အလက်များကို အတိအကျ ကူးယူအသုံးပြုထားပြီး တရားဝင် ဝက်ဘ်ဆိုက်သဖွယ် ထင်ယောင်ထင်မှားဖြစ်အောင် ဖန်တီးထားပါသည်။ ယင်းဝက်ဘ်ဆိုက်သို့ ဝင်ရောက်လိုက်သည်နှင့် “သတင်းဖတ်ရန် VPN အလိုအလျောက် ချိတ်ဆက်မည်” ဆိုသည့် Pop-up မက်ဆေ့ချ် ပေါ်လာပါသည်။ ၎င်းမှာ သုံးစွဲသူများ၏ စက်ပစ္စည်းများအတွင်းသို့ Malware ထည့်သွင်းရန်နှင့် အချက်အလက်များ ခိုးယူရန် ဖန်တီးထားခြင်း ဖြစ်နိုင်ပါသည်။
DVB သတင်းဌာန၏ တရားဝင် အစစ်အမှန် ဝက်ဘ်ဆိုက်စာမျက်နှာဖြစ်သည့် https://burmese.dvb.no နှင့် အပြာရောင် (Blue Mark) အမှတ်အသားပါ DVB TV NEWS လူမှုကွန်ရက်စာမျက်နှာအကောင့် https://www.facebook.com/DVBTVNews တို့မှသာ ဝင်ရောက် ဖတ်ရှုကြပါရန် လေးစားစွာ ပန်ကြားအပ်ပါသည်။
