အာဆင်နယ်အသင်းဟာ ဘိုင်ယန်လီဗာကူဆင်ကနေ အငှားနဲ့ခေါ်ယူထားတဲ့ အီကွေဒေါနောက်ခံလူ ပီယဲရို ဟင်ကာပီကို အပြီးသတ်ခေါ်ယူလိုက်ပါတယ်။

အာဆင်နယ်က ဒီအသက် ၂၄ နှစ်အရွယ် ကစားသမားကို အငှားနဲ့ခေါ်ယူစဉ်ကတည်းက ပေါင် ၄၅ သန်းနဲ့ အပြီးသတ်ဝယ်ယူဖို့ သဘောတူခဲ့တာပါ။

ဟင်ကာပီဟာ ဗဟိုနောက်ခံလူ ဒါမှမဟုတ် ဘယ်နောက်ခံလူအဖြစ် ကစားနိုင်ပါတယ်။ သူဟာ မီကဲလ်အာတီတာရဲ့ အသင်းအတွက် ပြိုင်ပွဲစုံ ၃၉ ပွဲအထိ ကစားပေးခဲ့ပါတယ်။

အာဆင်နယ်အသင်း ပရီးမီးယားလိဂ်ဖလားကို ရယူနိုင်ခဲ့ရာမှာလည်း ဟင်ကာပီက အရေးပါတဲ့ အခန်းကဏ္ဍကနေ ပါဝင်ခဲ့တာ ဖြစ်ပါတယ်။

လီဗာကူဆင်အသင်းကတော့ ဝယ်ယူခွင့်အခြေအနေတွေ ပြည့်မီခဲ့တာကြောင့် ဟင်ကာပီဟာ လန်ဒန်ကလပ်မှာ ဆက်လက်ကစားသွားမယ်လို့ တရားဝင်ထုတ်ပြန် ပြောကြားခဲ့ပါတယ်။

ဟင်ကာပီဟာ လာမဲ့နှစ်တွေမှာ ပရီးမီးယားလိဂ်မှာ ဆက်လက်ကစားသွားမှာပါ။ လက်ရှိမှာ ဟင်ကာပီဟာ အီကွေဒေါအသင်းနဲ့အတူ ကမ္ဘာ့ဖလားပြိုင်ပွဲမှာ ပါဝင်နေတာ ဖြစ်ပါတယ်။ အာဆင်နယ်အတွက်တော့ အဓိကကစားသမားတယောက်ကို အပြီးသတ်ခေါ်ယူနိုင်ခဲ့တာ ဖြစ်ပါတယ်။ 

Photo:Reuters