ကိုလံဘီယာသမ္မတ အာဘယ်လာဒို ဒီလာအက်စ်ပရီယေးလားဟာ နယ်စပ်မြို့ဖြစ်တဲ့ ကူကူတာမြို့မှာ စစ်တပ်ကို ယာယီအရေးပေါ် ဝင်ရောက်တာဝန်ယူစေဖို့ အောက်တိုဘာ ၂၉ ရက်မှာ အမိန့်ထုတ်လိုက်ပြီး မကြာသေးခင်က ဖြစ်ပွားခဲ့တဲ့ အကြမ်းဖက်မှုတွေအပြီးမှာ အများပြည်သူ တည်ငြိမ်အေးချမ်းရေးအတွက် ပြန်ထိန်းသိမ်းဖို့ ဒီအစီအမံ လိုအပ်တယ်လို့ ပြောပါတယ်။

ဘိုဂိုတာမြို့က စစ်ဘက်ဆိုင်ရာ လေတပ်စခန်းကို ရောက်ရှိနေတဲ့ သမ္မတ ဒီလာအက်စ်ပရီယေးလားက စစ်အာဏာရှင်တပ်အနေနဲ့ အမျိုးသားရဲတပ်ဖွဲ့နဲ့ ပူးပေါင်းပြီး ကူကူတာမြို့မှာ အင်အားဖြည့်တင်းသွားမယ်လို့ ပြောပါတယ်။

ဒါဟာ နယ်မြေစိုးမိုးမှု ခိုင်မာစေဖို့၊ ပြည်သူတွေကို ကာကွယ်ဖို့နဲ့ သူတို့ခေါ်တဲ့ ရာဇဝတ်ဂိုဏ်းတွေ၊ မူးယစ်ဆေးဝါးသုံး အကြမ်းဖက်အဖွဲ့အစည်းတွေကို ရင်ဆိုင်တိုက်ခိုက်ဖို့ ဖြစ်ပါတယ်။

နော့တေဒီ ဆန်တန်းဒါးဟာ နယ်စပ်ဒေသတခု ဖြစ်တာကြောင့်လည်း ဒီလိုဆုံးဖြတ်ရတာဖြစ်ပြီး လက်နက်ကိုင်အဖွဲ့တွေက ပြည်သူတွေကို တိုက်ခိုက်နေချိန်မှာ အာဏာပိုင်တွေအနေနဲ့ လုံခြုံရေးနဲ့ အချုပ်အခြာအာဏာကို မဖြစ်မနေ အာမခံချက်ပေးရမယ်လို့ သမ္မတက ပြောပါတယ်။

ကူကူတာမြို့မှာ အောက်တိုဘာ ၂၆ ရက်က ဝန်ကြီးအဖွဲ့ အတွင်းရေးမှူးဟောင်း လုပ်ကြံခံရမှုနဲ့ အောက်တိုဘာ ၂၇ ရက်က နယ်စပ်ဖြတ်ကျော် တံတားတစင်းအနီး ဗုံးပေါက်ကွဲမှုကြောင့် အနည်းဆုံး ၆ ယောက် ဒဏ်ရာရရှိခဲ့မှုတို့ကို အာဏာပိုင်တွေက စုံစမ်းစစ်ဆေးနေပါတယ်။

Source: Reuters