ရှမ်းပြည်မြောက်ပိုင်း မူဆယ်မြို့ မန့်ဝိန်းရပ်ကွက်ထဲမှာ မေ ၉ ရက် သန်းခေါင်ကျော်ချိန်က မီးလောင်မှု ဖြစ်ပွားပြီး အလုပ်သမားတွေ ငှားနေတဲ့ အိမ်ခန်းတွေ မီးထဲပါသွားခဲ့ပါတယ်။
၁၂ နာရီခွဲလောက်က စလောင်တဲ့ မီးဟာ မနက် ၂ နာရီလောက်မှ ငြိမ်းသွားတဲ့ အတွက် အခန်းပေါင်း ၄၀ ကျော်ရှိတဲ့ တိုက်တလုံးနဲ့ ဂိုဒေါင်တစ်ခုပါ မီးထဲပါသွားတယ်လို့ မီးလောင်နေရာကို သွားရောက်ကြည့်ရှုခဲ့သူ ဒေသခံ စိုင်းထွန်းလှိုင်က ဒီဗွီဘီကို ပြောပါတယ်။
ဒီအိမ်ကို တရုတ်လူမျိုး ဦးယုန်ဆင်းက ပိုင်ဆိုင်ပြီး အိမ်ခန်းငှားနေသူအများစုကတော့ မြန်မာပြည်ကလာတဲ့ အလုပ် သမားတွေဖြစ်တယ်လို့ ဆိုပါတယ်။
လေတိုက်လို့ မီးကြိုးပြုတ်ကျရာက ၀ိုင်ယာရှော့ခ်ဖြစ်ပြီး လောင်တာလို့ အလုပ်သမားတွေက ပြောပါတယ်။
မေ ၁၁ ရက်ထုတ် မြန်မာ့အလင်းသတင်းစာမှာတော့ တီဗွီမီးဖြတ်စက် အပူလွန်ကဲရာက မီးစလောင်တာဖြစ်ပြီး မီးသတ်ကား ၄ စီး၊ အရံ ၉ စီးတို့နဲ့ ၀ိုင်းဝန်းငြိမ်းသတ်ရတယ်လို့ ဖော်ပြပါတယ်။
သတင်းဓာတ်ပုံ -Zaai Hom Main
[gallery ids="92592,92591,92593,92594,92596,92597"]
