တော့တင်ဟမ်စပါးအသင်း နည်းပြရော်ဘတ်တို ဒီဇာဘီဟာ အသင်းအနေနဲ့ တန်းဆင်းဇုန်တိုက်ပွဲ ဆင်နွှဲနေရသလို လာမဲ့ရာသီမှာ တန်းဆင်းသွားခဲ့ရင်တောင် စပါးအသင်းရဲ့ နည်းပြအဖြစ် ဆက်ရှိနေမှာဖြစ်ကြောင်း အတည်ပြုလိုက်ပါတယ်။
မတ်လကုန်ပိုင်းကမှ စပါးအသင်းကို စတင်ကိုင်တွယ်ခဲ့တဲ့ အီတလီလူမျိုးနည်းပြဟာ ၆ ပွဲမှာ ၈ မှတ် ရယူပေးထားပြီး ပရီးမီးယားလိဂ်မှာ ဆက်ရှိနေဖို့အတွက် နောက်ဆုံးပွဲစဉ်ဖြစ်တဲ့ အဲဗာတန်နဲ့ပွဲမှာ ၁ မှတ်သာ လိုအပ်တော့တာ ဖြစ်ပါတယ်။
ဒီဇာဘီက အခုလို အရေးကြီးတဲ့ပွဲမျိုးမှာ ဖိအားတွေကို ထိန်းချုပ်နိုင်ဖို့က အဓိက လျှို့ဝှက်ချက်ဖြစ်ပြီး အသင်းမှာ တန်းတင်နိုင်ဖို့ အရည်အသွေး ပြည့်ဝတဲ့ ကစားသမားတွေ ရှိနေတယ်လို့ ယုံကြည်နေပါတယ်။
စပါးအသင်းဟာ ဒီပွဲမှာ ရှုံးနိမ့်ပြီး ဝက်စ်ဟမ်းအသင်းက လိဒ်စ်ကို အနိုင်ရရှိသွားရင်တော့ ၁၉၇၇ ခုနှစ်နောက်ပိုင်း ပထမဆုံးအကြိမ်အဖြစ် တန်းဆင်းရမဲ့ အန္တရာယ်ရှိနေတာ ဖြစ်ပါတယ်။
