လီဗာပူးအသင်းဟာ ချန်ပီယံလိဂ်ပွဲစဉ်မှာ လာ့စ်အသင်းကို ၆-၃ ဂိုးနဲ့ အနိုင်ရရှိခဲ့ပါတယ်။
အသက် ၂၁ နှစ်အရွယ် လီဗာပူးတိုက်စစ်မှူး လူးဝစ်ကူမတ်စ်ဟာ ဒီပွဲမှာ ဂိုးသွင်းယူနိုင်ခဲ့သလို ဂိုးဖန်တီးမှုလည်း ပြုလုပ်နိုင်ခဲ့တာပါ။
ဒီရလဒ်ကြောင့် ကူမတ်စ်ဟာ လီဗာပူးသမိုင်းတလျှောက် ချန်ပီယံလိဂ်ပွဲစဉ်မှာ ဂိုးသွင်းပြီး ဂိုးဖန်တီး နိုင်တဲ့ အသက်အငယ်ဆုံး ကစားသမားအဖြစ် စံချိန်သစ် တင်နိုင်ခဲ့ပါတယ်။
ကူမတ်စ်ဟာ ပွဲအပြီးမှာ စတီဗင်ဂျာရတ်လို ဂန္ထဝင်ကစားသမားတယောက်နဲ့ နာမည်တွဲခေါ်ခံ ရတာဟာ အိပ်မက်လိုပါပဲလို့ ဆိုပါတယ်။
အသင်းရဲ့ အဓိကတိုက်စစ်မှူးတွေ ဒဏ်ရာရနေချိန်မှာ အခွင့်အရေးကို ကောင်းကောင်း အသုံးချ နိုင်ခဲ့တာဖြစ်ပြီး နည်းပြ အီရာအိုလာရဲ့ ယုံကြည်မှုကိုလည်း ရရှိထားပါတယ်။
လီဗာပူးအသင်းဟာ ဒီရာသီ ချန်ပီယံလိဂ်ပွဲစဉ်နှစ်ခုစလုံးမှာ အနိုင်ရထားပြီး ကူမတ်စ်ကတော့ လာမဲ့ ပွဲစဉ်တွေမှာလည်း အကောင်းဆုံး ဆက်လက်ကြိုးစားသွားမယ်လို့ ပြောပါတယ်။
Photo:Reuters
