အင်ဒိုနီးရှားနိုင်ငံအနေနဲ့ ဂါဇာရဲ့ နိုင်ငံတကာလုံခြုံရေးတပ်ဖွဲ့မှာ စစ်ဆင်ရေးဆိုင်ရာ ဒုတိယတပ်မှူးအဖြစ် တာဝန်ယူမယ်လို့ အင်ဒိုနီးရှားနိုင်ငံခြားရေးဝန်ကြီး ဆူဂျီယိုနိုက ဖေဖော်ဝါရီ ၂၀ ရက်မှာ ပြောပါတယ်။
တပ်ဖြန့်ချထားမှုကို ကဏ္ဍ ၅ ခုလောက်မှာ အဆင့်ဆင့်လုပ်ဆောင်သွားမှာဖြစ်ပြီး စုစုပေါင်းအင်အားက ၂၀,၀၀၀ ဒါမှမဟုတ် အဲဒီထက် ပိုရှိနိုင်တယ်လို့လည်း ပြောပါတယ်။
အင်ဒိုနီးရှားနိုင်ငံဟာ အဆိုပြုထားတဲ့ နိုင်ငံစုံငြိမ်းချမ်းရေး ထိန်းသိမ်းရေးတပ်ဖွဲ့ရဲ့ တစိတ်တပိုင်း အဖြစ် ဧပြီလဆန်းမှာ ဂါဇာမှာ တပ်ဖြန့်ချထားဖို့ တပ်ဖွဲ့ဝင် ၁,၀၀၀ ကို အသင့်ပြင်ဆင်နေတယ်လို့ စစ်တပ်ပြောရေးဆိုခွင့်ရှိသူက ဖေဖော်ဝါရီ ၁၆ ရက်မှာ ပြောပါတယ်။
အင်ဒိုနီးရှားနိုင်ငံအပါအဝင် နိုင်ငံ ၅ နိုင်ငံဟာ အပြည်ပြည်ဆိုင်ရာတည်ငြိမ်ရေးတပ်ဖွဲ့ (ISF) ဆီ တပ်ဖွဲ့ဝင်တွေကိုလွှတ်ထားတယ်လို့ တပ်မှူး ကြည်းတပ်ဗိုလ်ချုပ် ဂျက်စပါဂျက်ဖာစ်က ပြောခဲ့ပါတယ်။
ဂါဇာမှာ အင်ဒိုနီးရှားရဲ့ ပါဝင်ပတ်သက်မှုကို စိုးရိမ်ပူပန်တဲ့ အင်ဒိုနီးရှားနိုင်ငံသားတချို့က ဂျကာတာမြို့က အမေရိကန်သံရုံးအပြင်ဘက်မှာ ပြီးခဲ့တဲ့အပတ်က ဆန္ဒပြခဲ့ကြပါတယ်။
Source: Reuters
